Маңғыстауда салық органында тіркелмеген 4 ойынхана анықталды
[ 2019 ] 16 қаңтар, 11:25 | Жаңалықтар
11-13 қаңтар аралығында Маңғыстау облыстық Полиция департаментінің ҰҚКБ қызметкерлері жедел рейд барысында рұқсаты жоқ және салық органында тіркелмеген 4 ойын мекемесін анықтады. Бұл туралы mangystaumedia.kz сайтына МО Полиция департаментінің баспасөз қызметі хабарлады.
Аталған дерек бойынша Қазақстан Республикасының Қылмыстық кодексінің 307-бабына (заңсыз ойын бизнесін ұйымдастыру) сәйкес 4 қылмыстық іс қозғалған.
Рейдтік шара барысында Түпқараған ауданы Ақшұқыр ауылы «Дунай» сауда орталығынан, Ақтау қаласының 5 шағынауданындағы «Свежак» сыра бары ғимаратынан, Ақтау қаласының 6 шаңынауданындағы «Дом быта» сауда орталығының «Бинго» букмекерлік кеңсесінен және 7 шағынауданның 25 үйі жанында орналасқан «Профит» букмекерлік кеңсесінен төмендегідей заттар табылып, тәркіленді:
- 657 700 теңге көлемінде ақшалай қаражат;
- 4 дана монитор;
- 16 дана теледидар;
- 2 дана бейнетіркегіш;
- 2 дана кассалық аппарат;
- 37 дана процессор;
- 4 дана моноблок;
- 4 дана жүйелі блок;
- 4 дана чектік аппараты;
- 3 дана роутер;
- 1 дана чектік аппараттың сканері;
- 4 дана ойналған қағаз чектері.
Қылмыстық істің барлығы Қазақстан Республикасының Қылмыстық-процессуалдық кодексінің 186-бабына сәйкес Маңғыстау облысы МКД-не тиісті шешім қабылдау үшін жолданған.
Басты сурет сайттың архивінен
887
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
