М.Өскінбайұлы атындағы домбырашылар байқауының жеңімпазына 1 млн беріледі

Ақтауда М.Өскінбайұлы атындағы I халықаралық халық аспаптарында орындаушылар байқауы өтеді. 21-22 қараша күндері өтетін байқауға республика өңірлерінен бөлек Әзірбайжан, Өзбекстан, Қырғызстан елдерінің өнерпаздары қатыспақ. Шараны облыс әкімінің қолдауымен Маңғыстау  облыстық  мәдениет  басқармасы, облыстық ғылыми-әдістемелік және мәдени қызмет  көрсету  орталығының ұйымдастырды.

Байқауға қатысуға ниет білдірген 47 үміткер «Домбыра», «Домбыра-прима», «Домбыра-альт», «Шертер», «Қобыз», «Ғиджақ» номинациялары бойынша бақ сынайды.

Конкурстың мақсаты - Аймақтың музыкалық мектебін халықаралық деңгейде насихаттау,   орындаушылардың  арасынан жаңа есімдерді анықтау; Бабалар мұрасын қайта жаңғырту, халқымыздың мәдениетін сақтау және ұрпақтан-ұрпаққа жеткізу арқылы дәстүрлі өнеріміздің төл туындыларын шет елдік өнерпаздар арасында ілгерілету; Мұрат Өскінбайұлы шығармаларын әлем халықтарының  аспаптарында орындату арқылы насихаттау; Мұрат Өскінбайұлының Түркі дүниесінің өнер көгіндегі өзіндік нақышты өрнегін әрі қарай,  кәсіби  деңгейін, шеберлігін жетілдіру.

Маңғыстау күйінің атасы атанған кәсіби домбырашы, дәулескер күйші, жыршы, халық композиторы Мұрат Өскінбайұлы атындағы байқау 2004 жылдан бері ұйымдастырылып келеді. Бұған дейін 7 рет өткен конкурс биыл алғаш рет халықаралық дәрежеге ие болды.

- Алғашқы конкурс әкемнің 100 жылдығына арнап өткізілген болатын. Мәдениет министрлігінен М.Өскінбаев атындағы республикалық күйшілер конкурсы деп бекітілген. Ол дүрілдетіп өткізілген шара болды. Бас жүлдеге екі көлік қойылды, сөйтіп екі қатысушы жеңімпаз атанды. Биылдан бастап халықаралық дәрежеде ұйымдастырылып жатыр. Бұрын тек домбырашылар сайысса, бұл жолы тағы екі номинация қосылды. Жеңімпазға 1 млн теңге жүлде тағайындалып отыр, - дейді күйшінің ұлы, қазылар алқасының мүшесі Әзірбай Өскінбаев.

Айта кетейік, 22 қараша күні жарыс қорытындыланып, гала-концерт өтеді.

Мұрат Өскінбайұлы атындағы I халықаралық халық аспаптарында орындаушылар  конкурсының қазылар алқасы құрамы:

«Домбыра-прима», «Домбыра-альт», «Шертер» номинациясы бойынша:

Сүндетов Аманбек Махуұлы – ҚР Білім беру ісінің құрметті қызметкері,Құрманғазы атындағы Ұлттық консерваторияның құрметтіпрофессоры,  Маңғыстау   өнер колледжінің оқытушысы, қазылар  алқасының төрағасы;

Фараджев Сардар Фараджулла Оғлы– Әзірбайжанның еңбек сіңірген өнер қайраткері ,  Әзірбайжан  Композиторлар одағы төрағасының орынбасары, қазылар    алқасының мүшесі;

Бегендіков Жалғасбек Әмірханұлы – ҚР еңбек сіңірген әртісі, Құрманғазы   атындағы  қазақ Ұлттық консерваторияның    оқытушысы,  қазылар алқасының мүшесі;

Басықара Ерсайын Бақытұлы – ҚР «Мәдениет қайраткері»,  Құрманғазы   атындағы Қазақ Ұлттық консерваторияның оқытушысы, қазылар алқасының мүшесі;

Козбеков Нұрдәулет Түзелбайұлы – Облыстық  ғылыми-әдістемелік және мәдени   қызмет көрсету орталығының  бөлім   меңгерушісі, қазылар алқасының хатшысы.

«Қобыз», «Ғиджақ» номинациясы бойынша:

Садыков   Форук Таждыұлы  – Өзбекстанның еңбек сіңірген және халық  әртісі, профессор қазылар  алқасының  төрағасы;

Болтаева Ғайни Әділбекқызы–ҚР еңбек сіңірген әртісі, Құрманғазы    атындағы Қазақ Ұлттық  консерваторияның   аға оқытушысы,  қазылар  алқасының мүшесі;

Рауандина Шолпан Заданқызы–ҚР мәдениет қайраткері, Құрманғазы

атындағы Қазақ Ұлттық  консерваторияның профессоры,  қазылар алқасының мүшесі;

Ербозова  Гүлжамал  Аманғалиқызы–Халықаралық «Шабыт» фестивалінің    дипломанты,   Абыл Тарақұлы атындағы ұлт-асаптар оркестрінің әртісі, қазылар алқасының мүшесі;

Бердібаева Мөлдір Сейітқызы –Облыстық  ғылыми-әдістемелік және мәдени       қызмет көрсету орталығының  маманы,    қазылар алқасының хатшысы;

«Домбыра»  номинациясы бойынша:

Жайымов Айтқали Тілепқалиұлы–ҚР еңбек сіңірген қайраткері, Астана әкімдігі филармониясы Қазақ ұлт- аспаптар оркестрінің көркемдік жетекшісі және бас дирижеры, қазылар алқасының төрағасы;

Сахарбаева Карима  Сүндетқызы– ҚР еңбек сіңірген қайраткері,  Құрманғазыатындағы Ұлттық консерваторияның  профессоры,  қазылар алқасының мүшесі;

Үлкенбаева Айгүл Нариманқызы–ҚР еңбек сіңірген әртісі, Құрманғазы    атындағы Қазақ Ұлттық консерваторияның  доценты, Жастар мемлекеттік сыйлығының  лауреаты,  қазылар алқасының мүшесі;

Байжанова Гүлмира Серікқызы         –ҚР Мәдениет және спорт министрлігініңбас сарапшысы, мәдениет саласының үздігі,қазылар алқасының мүшесі;

Жаңбыршы Айтберген Әбілұлы–ҚР мәдениет саласының үздігі,  Ы.Алтынсарин  төсбелгілерінің иегері,  музыка  зерттеуші,  қазылар   алқасының мүшесі;

Мадреев Рахат   Бекболұлы–ҚР еңбек сіңірген қайраткері, Абыл Тарақұлы

атындағы ұлт-аспаптар оркестрінің көркемдік  жетекшісі және бас дирижеры, қазылар  алқасының мүшесі;

Өскінбаев Әзірбай Мұратұлы–Бүкілодақтық байқаулардың лауреаты, ЮНЕСКО алтын медалінің иегері,  қазылар алқасының мүшесі;

Лесбаева ӘйгерімСержанқызы – Облыстық  ғылыми-әдістемелік және мәдени  қызмет көрсету орталығының  маманы, қазылар алқасының хатшысы.

Теңге БЕКМҰРЗАЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.