Ақтауда жеңіл атлетикадан «Әминиада-2018» турнирі өтті

Жасөспірімдер арасында өткен турнир 2009 жылдан бері үздіксіз ұйымдастырылып келеді.

Еуропа кубогының жеңімпазы, Еуропа біріншілігінің күміс жүлдегері, 200 метрге жүгіруде Кеңес Одағының 5 дүркін чемпионы, жеңіл атлетикадан 100, 200, 400 метрге дейін жүгіруден Қазақстанның 3 дүркін чемпионы, әлем рекордтарының жаңартушысы – Әмин Елемесұлы Тұяқовтың құрметіне өткізілген сайысқа биыл да дәстүр бойынша облысымыздың барлық қала, аудандарынан атлеттер келіп, бақ сынады.

Шараға Әмин Тұяқовтың өзі арнайы келіп қатысып, ізбасарларына сәттілік тіледі. Ардагер атлет пен оның жарына «Ақтау қаласының әлеуметтік-экономикалық дамуына қосқан үлесі үшін» төсбелгі табысталды.

-100, 200, 400, 800 метрге жүгіру, эстафета сындары болды. Эстафетаға 4 адам қатысып, әрқайсысы 200 метрден жүгірді. Бұдан бөлек қашықтыққа секіру сындары бар. 2001-2002, 2003-2004 жылы туылған жасөспірімдер қатысты, - дейді сайыстың бас төрешісі Дмитрий Славнов.

-120-ға жуық спортшы қатысып жатыр. Келесі жылы аталмыш турнирге дұрыс назар аударып, бүкіл Қазақстан көлеміндегі атлеттерді қатыстыруға  тырысамыз, - дейді МО спорт басқармасы басшысының м.а. Нұрбек Қарабалаев.

Сайыс қорытындысында 100 метрге жүгіруден: Май Мария (г.Актау), Агафонова Екатерина (Ақтау), Алданазаров Нұрғиса (Түпқараған ауданы), Қуанышбек Дамир (Ақтау); 200 метрге жүгіруден: Агафонова Екатерина (Ақтау), Қуанышбек Дамир (Ақтау);  300 метрде: Акениева Алина (Ақтау), Горбачёв Богдан (Ақтау); 400 метрде: Герасимова Ксения (Ақтау), Митрохин Дмитрий (Ақтау); 800 метрде: Өтеулиева Мәншүк (Қарақия ауданы), Реймбаев Бауыржан (Ақтау); 1000 метрде: Орынбасар Медина (Ақтау), Горбачёв Богдан (Ақтау); Қашықтыққа секіруде: Аманжанова Гүлназ (Қарақия ауданы), Рақымғалиева Мөлдір (Жаңаөзен), Мыжықов Диас (Мұнайлы ауданы), Лысенко Александр (Ақтау); Эстафетадан Ақтау қаласының спортшылары үздік шықты.

Жеңімпаздарға дипломдар мен ақшалай сыйлық табысталды.

Теңге БЕКМҰРЗАЕВА

Суреттерді түсірген Талант ҚҰСАЙЫН

[gallery td_select_gallery_slide="slide" ids="62337,62336,62335,62334,62333,62332,62331,62330"]