Бекзат Нұрдәулетов "Құрмет" орденімен марапатталды
[ 2019 ] 12 желтоқсан, 10:53 | Жаңалықтар
Мемлекет басшысы Қ.Тоқаев бокстан әлем чемпионы атанған жас спортшы Бекзат Нұрдәулетовты "Құрмет" орденімен марапаттады, - деп хабарлайды mangystaumedia.kz сайты Қазақстан бокс федерациясына сілтеме жасап.
Салтанатты шара бүгін, 12 желтоқсан күні Ақордада өтті. Жаңаөзендік боксшы мемлекеттік марапатқа ұсынылған ең жас аз азаматтардың бірі.
Қазақстан бокс федерациясының мәлімдеуінше, Бекзат Нұр-Сұлтан қаласындағы сапарынан кейін оқу-жаттығу жиынындағы командаға қайта қосылады. Сондай-ақ, ол 2020 жылдың ақпан айында өтетін турнирге қатысады. Онда Токио олимпиадасына арналған лицензиялар сарапқа салынады.
Еске сала кетейік, Бекзат Нұрдәулетов бокстан Екатеринбургте өткен әлем чемпионатында чемпион атанған еді.
Махаббат НҰРЖАНҚЫЗЫ
1027
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
