Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Ақтау қаласында Қазақстан Республикасы Конфедерация кубогының жыл сайынғы турнирінің ширек финалы аяқталды. Маңғыстау командасы Ақмола боксшыларын жеңді.
«Маңғыстау-Арена» спорт кешенінде кубоктың ширек финалы үш күнге созылды. Естеріңізге сала кетейік, жарысқа Маңғыстау, Алматы, Қызылорда және Ақмола облыстарының командалары қатысты.
Маңғыстау құрамасының боксшылары өз қарсыластарын жеңетіндеріне сенімді болды. Ширек финалдың алғашқы күнінде Маңғыстау командасы Қызылордалық қарсыластар арасында 7:1 есебімен айқын жеңіске жетті. Жарыстың екінші күні Маңғыстау командасы 5:3 есебімен алматылықтарды жеңді. Жеңіске Төлеген Асанов, Нұрбол Қалжанов, Санатәлі Төлтаев, Ерік Әлжанов және Айболды Дәуренұлы қол жеткізді. Ал соңғы күні Ақмола боксшыларымен тек екі жекпе-жек өтті. Тиісінше, маңғыстаулық командаға 7:1 есебімен жеңіс берілді. Ақмола облысының командасынан турнирдің соңғы күнінде жеңіске жеткен маңғыстаулық боксшылар жартылай финалға жолдама алды.
Қазақстан бокс федерациясы Кубогының жартылай финалында Маңғыстау командасы Астананың қарсыластарымен шығатын болады. Жартылай финал мен финал дәстүрлі түрде Астана қаласында желтоқсан айында өтеді.
Айта кетейік, 2016 жылы Маңғыстау командасы бокста Конфедерация Кубогын екінші рет жеңіп алған болатын.
Асылзат ӨСЕРҚЫЗЫ
[gallery td_select_gallery_slide="slide" ids="60902,60903"]
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.