Маңғыстауда туберкулез ауруы 10,6%-ға төмендеді

Бұл жөнінде Маңғыстау облысы әкімінің баспасөз қызметі хабарлады. Бүгін облыс әкімі Ералы Тоғжанов

2018 жылдың бірінші жарты жылдығындағы денсаулық сақтау жүйесінің қорытындылары туралы алқа  отырысына қатысты.

Облыстық денсаулық сақтау басқармасының басшысы Талғатбек Бәпиев 2018 жылдың бірінші жартысында денсаулық сақтау жүйесінің қорытындылары туралы баяндады. 2018 жылдың 1 шілдедегі жағдай бойынша туу көрсеткіші – 20,7 (2017 жылы – 20,97) болды. Қан тамырлар жүйесі ауруларынан  өлім көрсеткіші 20,1 -ді құрап (2017 жылы 24,2),  5,2%-ға азайды.

-Қатерлі аурулардан болатын өлім 100 мың адамға шаққанда 54,8-ді құрап,  (2017 ж. 55,4) 1,1%-ға төмендеді. Туберкулез аурушаңдығы  10,6%-ға төмендеді, 2017 жылғы осы кезеңмен салыстырғанда 100 мың халыққа шаққанда 33,9-дан 30,3-ке азайды. Сондай-ақ туберкулез ауруынан  өлім көрсеткіші төмендеді, облыс бойынша 26,7%-ды құрап, өткен жылмен салыстырғанда 100 мың адамға шаққанда 1,5 тен 1,1-ге түсті. Есеп кезеңінде, Бейнеу ауданы әкімдігінен басқа қала және аудан әкімдіктері тарапынан туберкулезбен ауыратын  228  науқасқа  13 132 792 теңге  қаражат бөлініп, әлеуметтік қолдау көрсетілді, - дейді облыстық денсаулық сақтау басқармасының басшысы Талғатбек Бәпиев.

Интернет желісінің қолжетімділігі бойынша 90 денсаулық сақтау объектілірінің барлығы интернет желісіне қосылған. 2572 жұмыс орны 97% компьютерлік  техникамен жабдықталып, медициналық ақпараттық жүйемен 98,8 % қамтылған.

Сондай-ақ, алқа отырысында әлеуметтік медициналық сақтандыру қоры филиалының қызметі туралы да айтылды.

-Филиал 55 медицина мекемесімен 21 124 715 мың теңгеге 109 келісім шарт жасасты. Медицина мекемелерінің 24-і яғни 43,6% – жеке ұйымдар. 2017 жылмен салыстырғанда медицина мекемелерінің саны (47) 8-ге артты, яғни 14,5% өсті. Олардың бәрі де жекеменшік, өсу мөлшері 50% құрайды. Маңғыстау облысында  2018 жылдың   6 айының  қорытындысы бойынша егуден бас тартқандар саны – 873 бала  (2017 ж. 6 айы  1016, яғни  143 адамға азайған).

Теңге БЕКМҰРЗАЕВА

Суреттерді түсірген Серік МАЙЕМЕРОВ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.