Маңғыстаудың білім саласында цифрландырудың 5 жобасы басталды

©

Бұл туралы Маңғыстау облысының әкімі Ералы Тоғжановтың төрағалығымен өткен аппараттық жиында цифрландыру кеңсесінің басшысы Елдан Әлібеков мәлімдеді, - деп хабарлады Маңғыстау облысы әкімінің баспасөз қызметі.

"Маңғыстау облысындағы цифрландырудың пилоттық жобасы білім беру саласына бағытталады. Осылайша, Маңғыстау облысының жол картасын жүзеге асыру шеңберінде 5 жоба басталды", - деп мәлімдеді

Олар - «Электронды мектеп», Маңғыстау облысының инновациялық экожүйесі, мектепке дейінгі білім беру ұйымдарына электронды кезекке тұру, T-HUNTER, 1-сыныпқа арналған электронды жазба.

Аймақтарды цифрландыру туралы мәлімдеген Елдан Шарапатұлы Ақтауды ақылды қалаға айналдыру бағытында жасалған жұмыстарға да тоқталды. Бүгінде «Ақылды қала» концепциясы аясында мемлекеттік-жеке меншік серіктестік негізінде алдыңғы қатарлы және тиімді технологияларды енгізу арқылы бірқатар жобалар іске асырылуда. Олардың қатарында "Қауіпсіз аула", "Қауіпсіз қала", «е-КСК» мобильдік қосымшасын енгізу, «Zu1u Thermo» бағдарламасы - «Жылу жүйесіндегі гидравликалық жұмыс режимінің жылуын модельдеу», коммерциялық электр энергиясын есепке алудың автоматтандырылған жүйесін іске қосу (АСКУЭ), «InfoBus.kz», «CZ Aktau», мемлекеттік қызметтердің ресми тұғырнамасын, «MTravel» мобильді қосымшасы мен «Электрондық туризм веб-платформасын» енгізуде бар.

Жиында шағын және орта бизнесті қолдау шаралары, денсаулық сақтау ұйымдарында корпоративтік басқару принциптерін енгізу, ветеринарлық қауіпсіздік сияқты бірқатар мәселелер көтерілді.

Камшат ОҢҒАЛТАЙ

Сурет сайттың архивінен

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.