Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Маңғыстау станциясындағы жол қозғалыс қауіпсіздігін сақтау мақсатында құзырлы мекеме өкілдері бірлескен рейдке шықты.
Іс-шара Маңғыстау жүк тасымалы бөлімшесінің Маңғыстау станциясы бойынша қозғалыс қауіпсіздігі бас маманы А. Шарапатдинов, магистралды желі бөлімшесінен Е.Изтұрғанов, станция бастығының орынбасары А. Есмуханов, әскерилендірілген күзет басқармасынан Д. Баймұханов, Н. Жаманшалов, вагон пайдалану депосынан В.Сүлейменов, Ақтау ст. ЖІІб инспектор Е. Базарбаев, А. Манапбектің қатысуымен өтті.
- Рейдте стансалық жолдар мен сұрыптау паркінде тұрғындардың қауіпсіздігі үшін орнатылған арнайы белгілер, аншлагтар мен баннерлердің талапқа сай болу, болмауы тексерілді. Нәтижесі жақсы. Көбісі биыл жаңартылған, басқаларының да жазулары көрініп тұр. Олар "Сақ болыңыз!", "Қызмет жолы", "Өміріңізге қауіпті!", "Темір жолдан белгіленген арнайы өткел жолдан өтіңіз!", "Темір жолмен жүру қауіпті!" "Пойыздан сақтан!", т.б ескертулер. Халықтың бәріне бірдей түсінікті болуы үшін мемлекеттік және орыс тілдерінде жазылған. Десе де рейд барысында сондай ескертулерді де елемей темір жолды кесіп бара жатқандар да кездесті. 5 адамға хаттама толтырылып, тиісті шара қолданылды, - деген А.Шарапатдиновтың айтуынша сол күні сондай-ақ станция кезекшісінің станциядағы маневрлік жұмыстары да қаралған. Әрбір маневрлік қозғалыс кезінде қауіпсіздік сақтау үшін кезекші парктік дыбыс күшейткішпен хабарлап, ескерту беріп отырған. Оған қоса станция іргесіндегі Маңғыстау, Дәулет, Қызылтөбе ауылдарындағы тұрғындар мен мектеп оқушыларына да түсінік жүргізілген. Оларға "Азаматтар! Темір жол - аса қауіпті аймақ, өзіңізді де, жақындарыңызды да сақтаңыз! Граждане! Железная дорога - зона повышенной опасности, берегите себя и близких!" үлгідегі бүклеттер таратылған. Аталған жұмыстар алдағы уақытта да жалғасын табатын көрінеді. Аталған рейдтің жыл басынан бері осымен 12-рет өтуі болса, мектептердегі профилактикалық жұмыс тоқсан сайын ұйымдастырылған.
Шахида ЖҰМАН
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.