©
Дәл қазір Астана маңындағы этноауыл той-думанға бөленуде. Қаз қатар тізілген ақшаңқан үйлер ақжарма тілекті қонақтарға есігін айқара ашты. Ақылы көркіне сай, болмыс-бітімі жан сүйсінер ибалы келіндер иіліп сәлем салуда. Қазақы исі аңқыған ауыл іші алтыбақан тебісіп, асық атысқан, аударыспақ ойнап, көкпар тартысқан бозбала-бойжеткенге, бал шұбат, бал қымызды сіміріп, балқаймақ-бауырсақтан, қант-женттен дәм татқан халыққа лық толы.
Мәдени іс-шараға Маңғыстау облысы әкімі Ералы Тоғжанов және ҚР Мемлекеттік хатшысы Гүлшара Әбдіхалықова, ҚР мәдениет және спорт министрі Арыстанбек Мұхаммедиұлы арнайы келді.
Оқи отырыңыз: Астанада Есенғали Раушановтың шығармашылық кеші өтті (ФОТО)
Елордадағы Маңғыстау мәдениеті күндері аясында өткізіліп жатқан мәдени шара тұрғындар мен қонақтарды ерекше әсерге бөледі. Ата-ғұрып, салт-дәстүр жәдігерін көз қарашығындай сақтаған Маңғыстау жұртшылығы бұл жолы да бағам биігінен көріне білді.
Голрох ЖЕМЕНЕЙ
[gallery td_select_gallery_slide="slide" td_gallery_title_input="Этноауыл. Маңғыстау мәдениеті күндері" ids="32920,32925,32923,32922,32895,32921,32917,32918,32919,32896,32897"]
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
