Облыстық мәслихаттың кезекті сессиясы өтті

Жетінші сессия

Облыстық    әкімдігінде   облыстық   мәслихаттың   жетінші  сессиясы   болып    өтті. Облыс, қала,  аудан  әкімдері,  департамент,  басқарма  басшылары   мен    қоғамдық    ұйымдар   өкілдері   қатысқан  кезекті  жиында    «100  нақты   қадам»  Ұлт   жоспарына   сәйкес   облыста әлеуметтік  көмекті  оңтайландыру, жергілікті полиция қызметі және облыстық    мәслихаттың  экономика   және   бюджет    мәселелері    жөніндегі   тұрақты   комиссиясының    жұмысы  айтылды.

Кезекті сессияға 25 депутаттың 20-сы қатысты. Алғашқы баяндаманы   облыс   әкімінің   орынбасары   Шолпан  Ильмұқанбетова жасап,   «Өрлеу»   жобасы  туралы  баяндады.

• Облысымызда  2015   жылдан    бері  «Өрлеу»  пилоттық    жобасы жүзеге    асырылуда.  Әлеуметтік   жағынан   аз  қорғалған отбасыларды    бейімдеу  мақсатында   іс-шаралар   барысында 521 адам     жұмысқа    тартылып,    15   адам  өз  ісін   ашты.   Жұмыссыздар    қатары   өткен    жылдармен    салыстырғанда   біршама   азайды.   Әлеуметтік   қатерлердің    алдын   алу бағдарламасы   бойынша   Маңғыстау   өңірі    елімізде   5-інші орында,-деді Шолпан  Лазерқызы.

Аймағымыздың   Ішкі  істер  органдары    жергілікті   полиция    қызметі   басшысы   Амангелді   Халмұратов   сөз    алып,   жаңа құрылымның   бүгінгі   жұмысымен    таныстырды.    Құқық    бұзушылық   пен    қылмыстың   алдын алу   мен   қоғамдық   тәртіпті    сақтауды     мақсат ететін     жергілікті   полиция   қызметі тұрғындармен тұрақты қарым-қатынас   орнатуды    көздейді.

• Өткен  жылы  аса   ауыр, аса   ауыр   емес    қылмыстар    азайды.   Атыс    қаруынан   болатын   қылмыс   50    пайызға,    қарақшылық   34,6   пайызға,  жол   көлік   оқиғалары  18 пайызға кеміді. 2015 жылмен    салыстырғанда  қылмыстың   ашылуы   18,3   пайызға   артып, 395 дерек  артық  анықталды,-дейді облыстық жергілікті   полиция    қызметінің    басшысы   Амангелді   Халмұратов.

Халық   қалаулылары баяндамашыларды тыңдаған соң, өз ұсыныстарын   айтты. Қанша жұмыс атқарылғанымен, кемшіліктер де баршылық. Облыс   орталығында   2016   жылы   792   бейнетіркегіш орнатылған,   дегенмен, бұл жеткілікті емес. Учаскелік полицейлердің жұмысын   жандандыру  қажет. Сессияда облыс әкімі Алик Айдарбаев депутаттардың  жұмысын  қанағаттанарлық  деп бағалады.

• Сессия отырысында өте маңызды мәселелер қаралды. Жергілікті полиция, әлеуметтік көмек және «Маңғыстау облысын дамытудың 2016-2020 жылдарға арналған бағдарламасы» аясында жасалған жұмыстар маңызды  саналады,-деді  облыс  әкімі  Алик  Айдарбаев.

Кезекті   жиында  облыстық    бюджетке   өзгеріс енгізу мәселесі қаралуы   тиіс болатын.  Бірақ, ол кейінге шегеріліп, жетінші сессия аяқталмай    қалды.    Жақын    арада депутаттар тағы бас қосып, осы мәселеге   қатысты   бір  шешімге  келетін   болады.

Анар ШАМШАДИНОВА Суреттерді түсірген Серік МАЙЕМЕРОВ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.