Болашақ стансасына меддесант келді

©

Аймағымыздың ең алыс елді мекені Болашақ ауылында «Денсаулық жолы-2017» акциясы ұйымдастырылып, тұрғындар денсаулығын тексеру үшін дәрігерлер жіберілді.

Екі күн бойы меддесант құрамындағы Маңғыстау облыстық ауруханасының  кардиологы Б.Құбышева 28 адам қабылдады, травматолог-ортопед Қ.Есқалиев 7 адам, оташы Қ.Сансызбаев 10 адам қабылдады, эндокринолог Ф.Тоқбаева 20 адам қабылдады. Ал облыстық балалар ауруханасынан–балалар оташысы А.Латипов 75 бала қабылдаса, облыстық онкологиялық диспансерден онколог Б.Сейтбаев 10 адам, Облыстық стоматологиялық орталықтың стоматологы О.Элеупов 55 адам, қабылдады.  №1 Жаңаөзен қалалық емханасының акушер-гинекологы С.Құлымжанова 56 әйелді қарап, оларды УДЗ-ден өткізді, №2 Жаңаөзен қалалық емханасының жалпы тәжірибелік дәрігері К.Бимағамбетов 80 адам, Қарақия аудандық ауруханасының педиатры Г.Бегнияз 106 бала қабылдады. Дәрігерлерге қаралған тұрғындардың бірқатарына ем тағайындалса, кейбіріне дерт түріне қарай кеңес берілді. Акция барысында фельдшер-лаборант Р.Сексенбаева 80 адамның талдамасын алды.  Бірінші күні дәрігерлер ауыл тұрғындарын қабылдап, оларға облыстық салауатты өмір салтын қалыптастыру орталығы дайындаған ақпараттық парақшалар таратылды. Екінші күні олар жергілікті мектеп оқушыларын медициналық тексеруден өткізді. Акция аясында Жаңаөзен қалалық жастар денсаулығы орталығының менеджері Ерлан Қалиев мектеп оқушыларымен мінез-құлық, қауіп-қатер факторларының зияны жайында кездесу өткізді. Сондай-ақ ол жастарға обырдың алдын алуға арналған онкүндікке байланысты обыр мен темекі-ішімдіктің тікелей байланысы бар екендігі туралы ақпарат жеткізді.

Меддесанттың жұмысы аяқталғаннан кейін ауыл тұрғындары денсаулық сақшыларына  алғыс айтып, әлеуметтік маңызы бар осынау шараның келешекте де жалғасын табарына сенім білдірді.

 Валентина ҚОЗЫБАҚОВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.