Мұражайда жаңа көрме залдары ашылды

Облыстық тарихи-өлкетану мұражайында ҚР тәуелсіздігінің 25 жылдығына орай  «Жаңа заман кезеңі» (XV-XIXғғ. Маңғыстау тарихы)  және көрме залдарының ашылу салтанаты өтті. 

Ашылу салтанатына жиналған қауым алдында мұражай директоры Тамара Жұмалиева құттықтау сөз сөйледі.

XV-XIXғғ. Маңғыстау тарихынан сыр шертетін «Жаңа заман кезеңі» экспозиция залын мұражайдың бұрынғы қызметкері Төлеп Қощанов мен мәдениет саласының ардагері Франгиза Кисайқызы ашты.

«Қазіргі Қазақстан» - көрме залының лентасын қию құрметіне № 2201 әскери бөлімінің капитаны І дәрежелі капитан Т. Төребаев пен  тәуелсіздік құрдасы, мұражай қызметкері Жанар Әбенова ие болды.

Жиынға ардагерлер, мектеп оқушылары және зиялы қауым өкілдері қатысты.

Үміт ЖӘЛЕКЕ Суреттерді түсірген Талант ҚҰСАЙЫН

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.