«Маңғыстау облыстық Азаматтық Альянсы» заңды тұлғалар бірлестігі «Жергілікті қауымдастықты ауыл бюджетінің мемлекеттік сатып алу мониторингіне қатыстыру» атты жобаны орындап жатыр, - деп хабарлайды mangystaumedia.kz сайты.
Жоба мақсаты – жергілікті қауымдастық өкілдерін мемлекеттік сатып алу порталына мониторинг жасауға қатыстыру және оларды жергілікті мәселелерді шешуге тартылуына ықпал ету. Жоба Сорос Қазақстан қорының қаржылық қолдауымен жүзеге асуда.
Соның аясында бүгін ҮЕҰ, жергілікті қоғамдастық мүшелеріне және арнайы мониторингтік топтарға арналған «Ауылдық деңгейде мемлекеттік сатып алуларға мониторинг жүргізу» тақырыбында оқыту тренингтерін ұйымдастырылды. Оқыту барысында қатысушылар қоғамдық бақылау инструменттерін қолдану, мемлекеттік сатып алуға мониторинг жүргізу, ашық дерек көздері жайлы ақпарат алып, білімдері мен дағдыларын жетілдірді.
Оқыту соңында қатысушылар алған білімдерін тәжірибеде қолданады. Яғни мемлекеттік сатып алуларға және қызметтерге мониторинг жүргізу үшін тауарлар мен қызмет салалары анықтап алады.
Ұйымдастырушылардың айтуынша, оқыту нәтижесінде мемлекеттік сатып алуға мониторинг жасау бойынша 5 ауыл іріктеледі. Мониторинг нәтижелері бойынша мемлекеттік органдар мен ауылдық әкімдіктердің мемлекеттік сатып алуларының анықталған проблемаларын көрсететін есептер дайындалады. Сонымен қатар облыстағы мемлекеттік сатып алу саласындағы сыбайлас жемқорлық тәуекелдерін төмендету бойынша ұсыныстар әзірленеді.
Жоба соңында қатысушылар мемлекеттік сатып алу порталымен жұмыс жасау бойынша ақпаратты қамтитын нұсқаулық алады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
