Мемлекеттік қызметшілер «Дипломмен ауылға» бағдарламасына қатыса алады

«Дипломмен ауылға» бағдарламасына енді мемлекеттік қызметшілер де қатыса алады. Бұл туралы Жаңаөзен қалалық экономика және бюджеттік жоспарлау бөлімінің басшысы Нұржұма Ғұмарова мәлім етті.

Оның айтуынша ауылға жұмыс iстеу мақсатында келген денсаулық, бiлiм, әлеуметтiк, мәдениет, спорт және агроөнеркәсіптік кешен саласындағы мамандарға қолдау көрсетіледі.

«Жоба аясында 291 700 теңге мөлшерінде көтерме жәрдемақы төлеу қарастырылған. 15 жылға дейінгі мерзімге 0,01% сыйақы мөлшерлемесіндегі бюджеттік несие де қарастырылған. Сұранысқа ие мамандықтар тізімі қалыптастырылып, еgov.kz порталына жарияланады», - деді Нұржұма Ғұмарова.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.