Бұл туралы Маңғыстау облысының қоғамдық коммуникация орталығында өткен брифингте МО Санитариялық эпидемиологиялық-бақылау департаменті басшысысының орынбасары Гүлнар Көркінбаева айтты.
«1 шілдеден бастап «Аshyq» жобасына Маңғыстау теміржол вокзалын қосу жоспарлануда. Бұл шара короновирустық инфекцияның таралу қаупін азайтып, жұқтыруға әкелетін байланыстар санын қысқартуды көздейді. Ал Ақтау халықаралық әуежайы 7 маусымнан бастап ресми түрде жобаға қосылды. 4 маусымнан бастап тесттік режимде жұмыс істей бастады. Қазіргі таңда 11 307 сканерлеу жүргізілді, нәтижесінде 2 қызыл, 3 сары анықталды», - деді Гүлнар Көркінбаева.
Гүлнар Көркінбаеваның айтуынша 12 маусымнан бастап келушілерді QR-код бойынша тіркеудің нөлдік көрсеткіші бар жобаның 43 қатысушысы "ASHYQ" жобасынан 2 апта мерзімге шығарылған. Ал 20-дан төмен QR-код бойынша тіркеудің көрсеткіштері бар 95 кәсіпкерлік нысанға ескертпе жұмыстары жүргізіледі. «Ashyq» жобасының 272 қатысушысы әкімдік сайтына жарияланды, 11 кәсіпкерлік нысандар тесттік режимде жұмыс істеп жатыр.
6 кәсіпкерлік нысан мониторингтік рейд нәтижесінде 2 аптаға жобадан шығарылды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
