Азық-түлік бағасы: Кезекті мониторинг жұмыстары жүргізілді

Бүгін Ақтау қаласында әлеуметтік маңызы бар азық-түлік тауарлар бағасын тұрақтандыру мақсатында қалалық кәсіпкерлік және ауыл шаруашылығы бөлімі қызметкерлерімен бірлесіп «Nur Otan» партиясы Ақтау қалалық филиалы төрағасының бірінші орынбасары Анар Шамшадинова мен қалалық маслихат депутаты Абылай Фазылбек бірқатар сауда желілеріндегі әлеуметтік маңызы бар азық-түлік тауарларына кезекті мониторинг жұмыстарын жүргізді, деп хабарлайды mangystaumedia.kz.

Мониторинг жұмыстары барысында әлеуметтік маңызды өнімдердің бағаларына талдау жүргізілді.

Атап айтсақ, 3а, 4, 11а шағынаудандардағы «Дана» және «Аман» супермаркеттерінде картоптың бөлшек сауда бағасы - 179 теңге, сәбіз - 184 теңге, 17а ш/а «Дана», 17 ш/а «Нұр» дүкендерінде картоп - 179 теңге. Ал 5 және 6а шағынаудандағы «Дана» сауда желісінің әкімшілігіне бағаны түсіріп, әлеуметтік сөрелер жасау қажеттілігі жөнінде түсіндірме жұмыстары жүргізілді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.