Ақтау гарнизоны теңіз жаяу әскерлері бригадасының 300-ден астам офицері мен сержанты дене шынықтыру даярлығынан сынақ тапсырды, деп хабарлайды mangystaumedia.kz.
Жеке құрам белтемірге тартылу, 100 метр жылдамдыққа жүгіру, қарумен және қарусыз қоян-қолтық ұрысының әдістерін және 3 000 шақырым төзімділікке жүгіру жаттығуларын орындады.
- Жалпы әскерилердің дене даярлығы өте жоғары деңгейде екеніне тағы да көзіміз жетті. Барлық тапсырмаларды мүдірмей орындады. Белтемірге 35 рет тартылып, жоғары көрсеткіш көрсеткен капитан Фархат Манабаевты ерекше атап өткім келеді, - деді теңіз жаяу әскері бригадасының дене шынықтыру және спорт қызметі бастығы майор Ернат Ахтаев.
Жалпы әскери қызметшілердің денсаулығын сақтау мен нығайту, дене тәрбиесін дамыту – әскери борышты орындауға даярлаудың маңызды және ажырамас бөлігі.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
