Өңірге 75 дәрігер жетіспейді

Маңғыстау облысына реаниматолог, инфекционист, пульмонолог мамандары тапшы, - деп хабарлайды mangystaumedia.kz.

Бұл туралы бүгін қоғамдық коммуникация орталығында МО денсаулық сақтау басқармасының басшысы Жамал Жаманбаева мәлімдеді. Ал қазіргі кезде Жаңаөзен қаласында Алматы мен Нұр-Сұлтаннан келген 5 дәрігер жұмыс істеп жатыр.

Пандемияның бірінші толқынында Ресейден дәрігерлерді шақыртқан едік. Ал екінші толқын бола қалса, 70-тен астам дәрігерді алдырта алмауымыз мүмкін. Өйткені Ресейде қазіргі уақытта ауру өршіп тұр. Тек 15 шақты маман келсе де қанағат. Әзірге нақтысы белгісіз, келіссөздер жүргізіп жатырмыз, - деді Жамал Жаманбаева.

МО денсаулық сақтау басқармасы басшысының айтуынша, коронавируспен күрес кезінде ауру жұқтырған 160 медицина қызметкеріне 320 миллион теңге қаражат төлемақы берілген. Ал көз жұмған 8 қызметкердің отбасына жалпы сомасы 10 миллион теңге өтемақы төленген.

Махаббат НҰРЖАНҚЫЗЫ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.