Бұл туралы mangystaumedia.kz сайты МО Полиция департаментінің баспасөз қызметіне сілтеме жасай отырып хабарлайды.
Оқиға кеше болған. Қазіргі уақытта ер адамға қатысты ҚР Қылмыстық кодексінің 1-бөлігі 124-бабы бойынша қылмыстық іс қозғалған.
«29 шілдеде сағат шамамен 13:00-де Ақтау қаласының полиция басқармасына белгісіз ер адам балалар алаңында ойнап жүрген баланы алып кетті деген хабарлама түсті. Әрі қарай ол баланы үйдің кіреберісіне кіргізіп, азғындық әрекет жасамақ болған. Оқиға орнына полиция наряды барды. Тергеу шаралары кезінде күдікті ұсталды», - делінген хабарламада.
Куәгерлердің айтуынша, ер адам қызды алып кеткенде көршілері оны байқап қалған. Күдіктіні кішкентай қыздың көршілері полиция келгенше ұстап тұрған.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
