Жаңаөзенде 15 маусымнан бүгінгі күнге дейін пневмония диагнозымен 105 науқас тіркелді, - деп хабарлайды mangystaumedia.kz сайты.
Қазіргі таңда барлық науқас қалалық аурухананың провизорлық бөлімінде ем алып жатыр. Олардың жағдайы ауыр, орташа-ауыр деп бағалануда. Өкінішке қарай осы бір аптаның ішінде пневмониядан 6 адам қайтыс болды, делінген МО ҚКО таратқан ақпаратта.
Айта кетейік, пневмониямен ауырған саны көп болғандықтан, қазір терапия, кардиология және неврология бөлімдері провизорлық бөлімге сай жабдықталып жатыр.
Құрметті, жаңаөзендіктер!
Дәрігерлер науқастардың өмірін сақтап қалу үшін барлық амалды қолданып жатыр. Дегенмен сіз бен біз серіктес болып, өз денсаулығымызға үлкен жауапкершілікпен қарағанда ғана бұл індетті бірге еңсереміз. Ол үшін тәртіпке бағынып, көшеде бетпердесіз жүрмейік, антисептиктерді пайдаланып, жеке бас гигиенасын қатаң сақтайық. Халық көп шоғырланатын орындарға, яғни жерлеу рәсімдеріне, той-жиындарға баруды шектейік. Өзіңізді және отбасы мүшелерін әлеуметтік тұрғыдан оқшаулауға шақырамыз. Дене қызуыңыз көтеріліп, өзіңізді жайсыз сезіне бастасаңыз дереу дәрігерлердің көмегіне жүгіну керектігін ескертеміз.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
