Ақтау қаласы әкімдігінің тапсырмасымен салынған 110,6 кВт болатын «Хазар» бас төмендеткіш қосалқы станциясының құрылысы аяқталды, - деп хабарлайды mangystaumedia.kz сайты Ақтау қаласы әкімдігінің баспасөз қызметіне сілтеме жасап.
Жыл сайын шілде айында электр энергиясын тұтыну 75МВт-тан 120МВт-қа дейін артады. Электр қуатына деген қажеттілік шамадан тыс артқандықтан кей шағынаудандардағы желілердің кабелдері істен шығып, жарық сөніп қалады.
Осы ретте қаланың электр жүктемесін азайту үшін шаһарда бірқатар қосалқы станциялар салыну жоспарланған болатын.
«Қазіргі таңда қосалқы станцияның құрылыс жұмыстары аяқталып тұр. Тек іске қосылуы ғана қалды. «Хазар» қосалқы станциясы төменгі шағынаудандардағы электр қуатын қамтамасыз етеді. Бұл нысан толығымен іске қосылған соң «Ақтау электр желілері басқармасы» МКК тапсырылады», - дейді Ақтау қаласы құрылыс бөлімінің бас маманы Еркінбек Жауқан.
Видеоны Ақтау қаласы әкімдігі ұсынды
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
