Актаудағы бокс орталығы тамызда пайдалануға беріледі

Бұл туралы МО қоғамдық коммуникация орталығында өткен брифнгте МО дене шынықтыру және спорт басқармасы басшысының орынбасары Қанат Жұмабаев айтты, - деп хабарлайды mangystaumedia.kz сайты.

Ақтау қаласында салынып жатқан «Бокс» орталығы құрылысының 90%-ы аяқталды. Жоспар бойынша тамыз айында қолданысқа беріледі. Орталықта 6 спорт түрімен айналысуға мүмкіндік болады. Атап айтқанда, қазақ күресі, бокс, грек-рим күресі, каратэ, таеквандо және ауыр атлетика.

«Спорт кешеннің сыйымдылығы 20 мың шаршы метр, жанында 99 адамға арналған қонақ үй бар. Жүзу бассейні, баскетбол, волейбол, футбол стадиондары бар», - дейді Қанат Жұмабаев.

Сонымен қатар жұмыспен қамтудың жол картасы бағдарламасы аясында бірнеше спорт нысаны жөндеуден өткізіледі. Олардың 3-еуі Ақтау қаласында, 1-еуі Жаңаөзен каласында, үшеуі Маңғыстау ауданында орналасқан.

«Биыл қыркүйек айында ҚР Тұңғыш Президентінің – Елбасының тестілерін өткізуді жоспарлап отырмыз. Бұл облыс дәрежесінде өтетін жылдың ең ауқымды шараның бірі болмақ. Облыс бойынша барлық тұрғындарды президенттік тестілеуге шақырамын. Жеңімпаздар мен жүлдегерлер арнайы марапатталатын болады», - деді МО дене шынықтыру және спорт басқармасы басшысының орынбасары Қанат Жұмабаев.

Жұлдыз ҚАЛИЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.