15-ақпан Кеңес әскерлерінің Ауғанстан жерінен шығарылғанына 29 жыл толуына орай, «Маяк» спорт мектебінде бокстан 2006-2007 жылы туылған кіші жасөспірімдер арасында облыстық ашық турнирі өткізілді.
Турнирде кішкентай боксшылар шаршы алаңға шығып, қарсыласына дес бермей, шаршамай, шыдаммен қайратын көрсетіп, жұдырықтасуда. Залда жиналған жұрт оларға қолпаштау білдіріп, қолдау көрсетуден аянып жатқан жоқ. Жарыста топ жарғандар мықтылығын дәлелдеп, жүздері бал-бұл жанып, халықтың ду қошеметіне бөленуде.
«Үш күнге жалғасқан бокс жарысында облыстың барлық қала-аудандарынан жиналған 217 бала қатысып, күшін сынады. Бокс әлеміне енді қадам басқан балалар үшін бұл жарыс өзін көрсетуге, қабілетін байқауға жақсы мүмкіндік болды. Спорт шыңына жетуге жасаған алғашқы қадамдары десек те болады. Әрбір жарыс – спортшының жеңіс тұғырынан көрінуге берілер мүмкіндік. Бүгінде балалардың боксқа қызығушылығы жоғары. Әлем рингтерінде жарқын жеңістерге жеткен, қуатты күшін, қайратын көрсеткен талантты боксшыларды көргенде, балалар оларға қарап бой түзеп, былғары қолғап шебері болуды армандайды. Облыста бокстың қыр-сырына үйрететін үйірмелер көптеп ашылып, балалар спортқа тартылуда»,-деді жасөспірімдер арасындағы аға жаттықтырушы Ғалым Бекқұлов.
[embed]https://youtu.be/iIz1mBBNV58[/embed] ТАҒЫ ОҚЫҢЫЗ: Үстірт қорығындағы байланыс желісі нашарлап тұрТартысты турнир қорытындысында Ауғанстан ардагерлері қатысушыларды құттықтап, жеңімпаздарды марапаттады. Нәтижесінде, қарсыласын жеңген, І-орын алғандар қатарында Жансерік Төлеген (Ақтау, 26 салмақ), Азамат Абдилакимов (Ақтау, 28 салмақ), Дамир Боранбай (Жас қанат мектебі, 28 салмақ), Нұржан Қошқаров (Жаңаөзен, 30 салмақ), Нұрдәулет Тасболатов (Досан батыр мектебі, 32 салмақ), Бекзат Боранбай (Мұнайлы, 32 салмақ), Шыңғыс Асқар (Шетпе, 34 салмақ), Қуаныш Бөлек (Ақтау, 34 салмақ), Сұлтанби-барыс Абыллаев (Ақтау, 36 салмақ), Айтбек Майланов (Мұнайлы, 36 салмақ), Берекет Алдан мен Яссин Бостан (Қарақия, 38 салмақ), Нұрдәулет Тілеубай (Шайыр, 40 салмақ), Олжас Қанағатов (Қарақия, 42 салмақ), Нұрлан Сағындық (Ақтау, 44 салмақ), Ақжол Асылбек (Ақтау, 46 салмақ), Қолдас Қайырбай (Жаңаөзен, 48 салмақ), Ержан Оспанов (Жаңаөзен, 50 салмақ), Нұртілек Абай (Жаңаөзен, 52 салмақ), Ерасыл Харис (Досан батыр мектебі, 56 салмақ), Бақдәулет Төлегенов (Бейнеу, 58 салмақ), Еділ Серіков (Ақтау, 60 салмақ), Дархан Сарсенбай (Мұнайлы, 60+ салмақ) көрінді. Барлық жеңімпаздар дипломдар және медальдармен марапатталды.
Ханым ҚУАТ Суреттерді түсірген Талант ҚҰСАЙЫН
[gallery td_select_gallery_slide="slide" ids="48574,48578,48576,48575,48573,48577,48579,48580"]
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
