Бокстан ел біріншілігінде Маңғыстау жалпы есепте 2 орын алды

Он күнге созылған байрақты додада чемпиондар мен жүлдегерлер анықталды. Олардың арасында осы уақытқа дейін есімі белгісіз болып келген, жаңадан танылған спортшылар да бар, - деп хабарлады ҚазАқпарат. 49 келі салмақта ақмолалық Теміртас Жүсіпов топ жарды. Т.Жүсіпов 2013, 2014 және 2016 жылы да ел чемпионы болған. Осы жолы 4 дүркін Қазақстан чемпионы деген атаққа қол жеткізді. Алтын - Теміртас Жүсіпов (Ақмола обл.) Күміс - Шалқар Айқынбай (ОҚО) Қола - Сабыр Жолаушиев (Павлодар обл.) және Жандос Несіпжан (Ақмола обл.) 52 келі салмақта жаңа чемпионның есімі белгілі болды. Бұл салмақта биыл Оңтүстік Қазақстаннан Олжас Байниязов топ жарды. Өткен жылы бұл салмақтың көшін Азамат Исақұлов бастаған болатын. Алтын - Олжас Байниязов (ОҚО) Күміс жүлде - Азамат Исақұлов (Маңғыстау обл.) Қола жүлдегерлер - Әнуар Музаппаров ((Алматы обл.) және Абай Қуандықов (Ақтөбе обл.) 56 келі салмақта астаналық Ілияс Сүлейменов топ жарды. Бұл салмақта ол 2012 жылы чемпион атанған болатын. Осымен екінші мәрте чемпион атанып отыр. Алтын - Ілияс Сүлейменов (Астана) Күміс жүлде - Жанболат Қыдырбаев (Жамбыл обл.) Қола жүлдегерлер - Нұрсұлтан Көшеғұлов (Ақмола обл.) және Нұрбол Қалжанов (Маңғыстау обл.) 60 келі салмақта биыл маңғыстаулық Берік Әбдірахманов топ жарды. Өткен жылы бұл салмақта Закир Сафиуллин көш бастаған болатын. Әбдірахманов 2012 жылы осы салмақта чемпион атанған. Енді ол - ҚР екі мәрте чемпионы. Алтын - Берік Әбдірахманов (Маңғыстау обл.) Күміс жүлде - Закир Сафиуллин (ОҚО) Қола жүлдегерлер - Ертуған Зенулинов (Алматы обл.) және Әділет Құрметов (ШҚО) 64 келі салмақта Оңтүстік Қазақстан облысының боксшысы Бекдәулет Ибрагимов чемпион атанды. Өткен жылы да Ибрагимов топ жарған болатын. Биыл да сол биігінен көріне білді. Алтын - Бекдәулет Ибрагимов (ОҚО) Күміс жүлде - Сабыржан Бекбергенов (Ақмола обл.) Қола жүлдегерлер - Қуан Қуатов (Павлодар обл.) және Санатәлі Төлтаев (Алматы қ.) 69 келіде биыл жаңа есім жарқ етті. Қазақтың салмағы атанып кеткен бұл салмақта жамбылдық Асланбек Шымбергенов биіктен көріне білді. Сондай-ақ ол ел біріншілігіндегі ең үздік жұдырықтасқан боксшы атағына ие болды. Өткен жылы бұл салмақта Абылайхан Жүсіпов топ жарған болатын. Ол биыл осыдан екі ай бұрын Германияда өткен әлем чемпионатында жүлдегер болғаны үшін ел біріншілігінен босатылған. Алтын - Асланбек Шымбергенов (Жамбыл обл.) Күміс жүлде - Қанағат Маралов (Астана) Қола жүлдегерлер - Бекболат Құрамысов (Алматы обл.) және Рустам Шаймерденов (Қарағанды обл.) 75 келі салмақтан да жаңа чемпион шықты. Ол Оңтүстік Қазақстанның тумасы Абай Төлеш. Бұл салмақта өткен жылы Әбілхан Аманқұл ерекшеленген. Аманқұл да биылғы чемпионаттан босатылған болатын. Алтын - Абай Төлеш (ОҚО) Күміс - Ерік Әлжанов (Маңғыстау обл.) Қола - Сапарбай Айдаров (Алматы қ.) және Владислав Столбовски (Қарағанды обл.) 81 келі салмақта Олимпиаданың екі дүркін күміс жүлдегері маңғыстаулық Әділбек Ниязымбетов чемпион атанды. Ниязымбетовтың қарсыласы финалда жарақатына байланысты рингке шыққан жоқ. Өткен жылы бұл салмақта Жәнібек Әлімханұлы көш бастаған болатын. Өкінішке қарай ол биыл ширек финалдан ары аса алмады. Алтын - Әділбек Ниязымбетов (Маңғыстау обл.) Күміс - Бекзат Нұрдәулетов (Маңғыстау обл.) Қола - Бек Нұрмағанбет (ОҚО) және Михаил Коханчик (Қостанай обл.) 91 келі салмақта қостанайлық боксшы Антон Пинчуктің мерейі үстем болды. Ол өткен жылы және 2012-2013 жылдары да ел чемпионы атанған болатын. Биыл төртінші мәрте ел біріншілігінде көш бастап отыр. Алтын - Антон Пинчук (Қостанай обл.) Күміс - Нұрбол Алтаев (Атырау облысы) Қола - Абзал Құттыбеков (ОҚО) және Мұхамеджан Еркін (ОҚО) Биыл +91 келі аса ауыр салмақта да жаңа чемпион пайда болды. Ол Жамбыл облысының боксшысы Нұрсұлтан Аманжолов. Өткен жылы бұл салмақта Олжас Бұқаев үздік атанған болатын. Алтын - Нұрсұлтан Аманжолов (Жамбыл облысы) Күміс - Олжас Бұқаев (Павлодар облысы) Қола - Нұрболат Сермаханов (Астана қ.) және Айболды Дауренұлы (Маңғыстау обл.) 100 келі салмақтың жеңімпазы мен жүлдегерлері: Алтын - Санжар Жаббаров (Қарағанды облысы) Күміс - Талғат Әмренов ( ШҚО) Қола медаль - Ақжігіт Оралов (Қарағанды облысы) және Ақжігіт Оралов (Қарағанды облысы) Осылайша ел біріншілігі де өз мәресіне жетті. Жалпыкомандалық есепте 3 алтын, 2 күміс, 3 қола медаль жеңіп алған ОҚО боксшылары бірінші орынға ие болса, екінші орын 2 алтын 3 күміс 2 қола жеңіп алған маңғыстаулық боксшылардың үлесінде. Үздік үштікті 2 алтын 1 күміс иеленген жамбылдық тұйықтады.

Суреттер kfb.kz сайтынан алынды

[gallery td_select_gallery_slide="slide" ids="41738,41737,41736"]