Дзюдодан облыстың жас чемпиондары анықталды

Маңғыстау ауданының орталығы Шетпе кентінде дзюдодан ҚР чемпионатына облыстық іріктеу өтті. 2001-2002 жылы туған ұлдар мен қыздар арасында өткен жарысқа аймақ бойынша 200-ге жуық балуан қатысты.

- Жарысқа Ақтау, Жаңаөзен, Форт-Шевченко қалалары мен Шетпе, Қарақия, Бейнеу аудандары және Жетібай, Сайөтес, Жыңғылды ауылдарынан балуандар қатысты. Боз кілемде ұлдар 9 салмақ, қыздар 8 салмақта белдесті. Дзюдодан ҚР чемпионатына облыстық іріктеуді Шетпедегі балалар мен жасөспірімдерге арналған спорт мектебінде өткізуіміздің де өзіндік себебі бар. Өйткені, дәл осы мектептен шыққан балуандар облыс намысын Азия және Әлем чемпионаттарында абыроймен қорғап, жеңімпаз атанды. Сондықтан да бүгінгі балуандарымызға олардың жеңісті жолдары жұғысты болсын деген ниетпен жарысты осы спорт мектебінің залында өткізіп отырмыз. Жарыс жеңімпаздарынан облыстың құрамасы жасақталып, олар аймақ намысын ағымдағы жылы ұйымдастырылатын ҚР чемпионатында қорғайтын болады, - дейді жарыстың бас төрешісі Жомарт Қобыланов.

Тартысты өткен жарыстың қорытындысында ұлдар арасында Н. Манарбекұлы (38 келі салмақ, «Жастар» с/м), Н. Атшыбай (42 келі салмақ, «Жастар» с/м), А. Сайсенов (46 келі салмақ, «Толқын» с/м), А. Ақылбаев (50 келі салмақ, Жыңғылды), Н. Қуанышұлы (55 келі салмақ, «Жастар» с/м), Қ. Жылқыбаев (60 келі салмақ, «Қарагөз» с/м), Ж. Сауғабаев (66 келі салмақ, Жаңаөзен), Д. Палуан (73 келі салмақ, «Қарагөз» с/м), Б. Құсайын (аса ауыр салмақ, «Толқын» с/м) алтыннан алқа тағып, жарыс жеңімпазы атанды. Сондай-ақ, қыздар арасында А. Сәрсенбекова (36 келі салмақ, Шетпе), Ж. Мұқанова (40 келі салмақ, «Жастар» с/м), А. Дүйсенова (44 келі салмақ, Жыңғылды), А. Рахметова (48 келі салмақ, Шетпе), М. Қаналиева (52 келі салмақ, Жаңаөзен), М. Теңелбаева (57 келі салмақ, Жаңаөзен), Н. Сергей (63 келі салмақ, Жаңаөзен), А. Әсет (аса ауыр салмақ, Жыңғылды) жеңіс тұғырынан көрінді. Ақтау қаласындағы балалар мен жасөспірімдерге арналған «Жастар» спорт мектебінің директоры Манарбек Бисекеновтың айтуынша, жарысқа қатысқан 30 спортшының 4-уі алтын, 5-уі күміс, 10-ны қола медальді иеленіп, мектеп қоржынын 19 медальмен толықтырған.

Венера МИРЛАН

[gallery td_select_gallery_slide="slide" ids="1125,1126,1123,1129,1127"]