Бекзат Нұрдәулетов кәсіби бокстағы кезекті жекпе-жегін өткізеді

16 желтоқсан күні Бекзат Нұрдәулетов Нұр-Сұлтанда өтетін кәсіпқой бокстағы жекпе-жекке қатысады, - деп хабарлайды mangystaumedia.kz сайты.

Бұл маңғыстаулық боксшының екінші жекпе-жегі болмақ. Әуесқой бокстан әлем чемпионы Бекзат Нұрдәулетов (1-0,1 КО) шаршы алаңда африкалық Кабиру Товолавимен (13-2,10 КО) жұдырықтасады. Жекпе-жек алты раунд бойынша өтеді. Қазіргі таңда ол Ақтау қаласында дайындық жүргізіп жатыр.

Еске сала кетейік, Бекзат Нұрдәулетов кәсіпқой бокстағы алғашқы жекпе-жегін жеңіспен бастаған болатын. Ол Атырау қаласында өткен алғашқы кәсіпқой бокста Танзаниядан келген Ибрагим Маоколумен шаршы алаңға шығып, екінші раундта нокаутқа жіберген еді.

Сонымен қатар жекпе-жекте супер орта салмақтағы қазақстандық боксшыға тиесілі WBC Asian, WBA Іnternational және WBO Global титулдарының иегері Айдос Ербосынұлы (14-0, 9 КО) ганалық Исса Самирмен (19-0, 16 КО) кездесіп, титулдарын қорғайды.

Маңғыстау облысы бокс федерециясының айтуынша, кәсіпқой жекпе-жек сағат 21:30-да «Хабар» арнасынан көрсетіледі.

Айбек МҰХАНОВ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.