Түбектегі ескерткіштерді сақтау мен қорғау жұмысы жанданса

Рухани жаңғыруға байланысты түбектегі ескерткіштерді сақтау мен қорғау жұмысы ауқымды шараларды сұранып тұр.

Түбектің түп қазығы туралы айт­қанда Түпқараған ауданы мен оның орталығы, Форт-Шевченко қа­ласы аумағындағы тау сілемдері Сабыр ақын тілімен айтсақ, талай тарихты ішіне бүккен берісі өлке тарихына, әрісі қазақ тарихына қатысты жә­ді­герлер. Бұлар айтулы ескерткіштерден оқшаулана, күн мен желдің өтінде үнсіз мүлгіп тұр. Кім білген, арғы тарихты жазбалай берсе, ол жәдігерлер дене желгі өр­кениетпен байланыс, біз білмейтін, біз күтпеген небір керемет сырлары табылып та қалар...

Тағы оқыңыздар: «Ата жолына» асфальт төселе бастады (ФОТО, ВИДЕО) 

Маңғыстау облыстық тарихи-мә­дени қорық директоры, өлкета­нушы Н.Құлбаевтың айтқанына сү­йен­сек, Түпқараған ауданы мен оның орта­лығы Форт-Шевченко қа­ласының аумағы, ауданға қа­рас­ты елдіме­кен­дердің аймақта­рында жә­дігер­лер­дің 70 пайызы сақ­тал­ған­дығы айқын­далған. Мемлекет басшысы «Рухани жаңғыру» бағ­дар­ламасы аясында көнені қас­тер­леп, жаңалап жа­сауға шақырған болатын. Түбекте ғылыми зерттеулер жұмысы барысын көріктендіру, ескі және орта ғасырлық археоло­гиялық ескі қа­ланың орны мен мекенін туристік мақсатта қолдану, оларды насихаттау және тарихи-мәдени құн­ды­лық­тарды дәріптеу жұмыс­тары жүргі­зілуде. Сонымен қатар мә­­де­ни мұ­ра­ларды зерт­теу­дің то­лықтай жү­йесін құрудың облыс бойынша амал­­дары іске асырылу қолға алына бастады. Осы аймақтағы сарғай­ған ескерткіштер – еліміздің туристік нысандарына айналып, өз лайықты бағасын алатын, өз деңгейіне сай ұлық­талатын күн жақын арада бас­талмақ. Өйт­кені, ескерткіштер – өмір­шең, олар уақыт өткен сайын санадан жо­ғалмай, керісінше сыры мен сипатына, сәулетіне жұртты тарта, қызықтыра түспек. Бұл ескерткіштер – осы санаттан табылатын құн­ды­лықтар. Республикамыздың Ас­та­насынан шалғайда жатқан мұн­дай жәдігерлер жолдың қиын­дығы немесе қашықтыққа байланысты елеусіз қалуына себеп болмауы тиіс.

Боқан ТАҢҒҰЛОВ,

Маңғыстау облыстық ардагерлер кеңесінің мүшесі

Форт-Шевченко қалалық ардагерлер ұйымының төрағасы

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.