Маңғыстауда «Бекіре» шарасы кезінде 2300 келі балық тәркіленді
[ 2019 ] 20 мамыр, 09:36 | Құқық
«Бекіре» жедел-алдын алу іс-шарасы кезінде 2300 келі бекіре тұқымдас балық тәркіленді. Шара Маңғыстау облысының аумағында 1 сәуір-31 мамыр аралығында өтіп жатыр, - деп хабарлайды mangystaumedia.kz сайты облыстық полиция департаментіне сілтеме жасап.
Полиция департаменті ЖПҚ Табиғатты қорғау полициясы бір айдың ішінде 2300 келі бекіре тұқымдас балық тәркілеген. ҚР Қылмыстық кодекстің 339-бабына сәйкес, 21 дерек тіркелген.
"Сондай-ақ табиғатты қорғау заңнамасын бұзушылардан жүзу құралдары мен аспалы мотор тәркіленді. ҚР ӘҚБтК-нің 383-бабы бойынша, яғни балық аулау ережелерін бұзу, 87 құқық бұзушылық анықталған", - деп мәлімдеді Маңғыстау облысы полиция департаментіндегілер.
Айта кетелік, Қазақстанда өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен айналысуға заңмен тыйым салынған.
1016
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
