Маңғыстауда жыл басынан бері 300 есірткі қылмысы анықталған

©

Бұл жөнінде Маңғыстау облысы Полиция департаментінің бастығы полиция полковнигі Қанат Таймерденов есеп беру кездесуінде айтты, - деп хабарлайды mangystaumedia.kz сайты.

Жыл басынан бері Маңғыстауда 300-ден аса есірткіге қатысты заңбұзушылық фактілері анықталған. Оның 69-ы - есірткі сату және 5-і - аса ірі мөлшерде сақтау.

Заңсыз айналымынан 100 келіден аса есірткі заттары тәркіленген. Оның ішінде, 560 грамм «героин», 98 келі «марихуана», 928 грамм «гашиш», 1 келі 300 грамм «апиын».

«Осы жылдың мамыр айында жедел іздестіру шарасы барысында Түпқараған ауданы Сайын-Шапағатов елдімекенінде күдікті азамат ұсталды. Оның ауласындағы сарайын тінту барысында 5 қап, барлығы 83 келі болатын «марихуана» есірткі заты тәркіленіп алынды», - деді Қанат Данияұлы.

Оныі айтуынша, биыл 4 қыркүйектегі сот үкімімен күдікті азамат 11 жылға бас бостандығынан айырылған. Жазасын қатаң тәртіптегі түзеу колониясында мерзімін өтеуде.

Теңге БЕКМҰРЗАЕВА

Көрнекі сурет сайттың архивінен

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.