Бәрі денсаулықтан басталады

©

Қазақстан Республикасының Президенті Н.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» Қазақстан халқына Жолдауында он нақты мәселеге тоқталып өтті. Соның жетінші бағыты «Адами капитал-жаңғыру негізінде» халыққа сапалы медициналық қызмет көрсетілу үшін барлық жағдай жасалу керек делінген. Осы орайда Маңғыстау аудандық ауруханасында да көптеген жұмыстар жасалынуда.

Биылғы жылы аурухана жанынан ішкі резервтер­ді пайдалана отырып заманауи аппараттармен жабдықталған жансақтау бөлімшесінен бір жылға жет­пейтін уақытта 78 науқас емделіп шықты. Сонымен қатар барлық бөлімшелер ішінен 6 күндізгі төсек кере­уеттері, 3­ медбикенің көмегін қажет ететін науқастар үшін арнайы кереуеттер алынды. Саламатты өмір салтын насихаттау бағытында жастардың репродук­тивті денсаулығын қорғауға және нығайтуға емхана дәрігерлерінің көмегімен колледж студенттері, жоғары сынып оқушылары арасында 38 дөңгелек үстел, 37 лекция, 83 семинар сабақтар, 32­ ашық есік күні, 35 спорттық шаралар 25­ әр түрлі тақырыпта акциялар өткізілді.

Емхана ішінен «жас ана» мектебі, балаларды тамақтандыру ресурстық кабинеті ашылып, бі­лікті дәрігерлер жүктілік кезіндегі жағдайлардан бас­тап бала күтімі, тамақтандыру сияқты тақырыптарда кездесулер ұйымдастырды. Сондай-­ақ онкологиялық ауруларды ерте анықтау мақсатында онколог дәрігер кабинеті 2012 жылдан бері жұмыс жасап келеді, 2015 жылдан бастап ашылған ерлерді қарау кабинетінен былтырғы жылы 394 ер азамат қаралып, 2 ауру бел­гісі анықталды. Жыл сайын өткізілетін скринингтік бақылаудан 1376 адамнан анықталған аурулар облыс, республика көлеміне емделуге жіберілді.

Денсаулық сақтау саласы халықтың, мемлекеттің және жұмыс берушінің ортақ жауапкершілігіне не­гізделген міндетті әлеуметтік сақтандыру жүйесіне кезең­-кезеңімен көшу жұмыстары да жүргізілуде. Ақпараттық жүйелерді біріктіру, мобильдік цифрлық қосымшаларды қолдану, электронды денсаулық пас­портын енгізу, «қағаз қолданбайтын ауруханаға» көшу бағыттары бойынша «Даму» медициналық ақпараттық жүйесімен келісім­шартқа отырып, жұмысты бастап кеттік. Кадрмен қамту мәселесі бойынша ауданда 84 дәрігер, 250 мейірбике қызмет етеді. Қайта даярлау курсынан 252 маман оқытылды, ана мен бала өлімін азайту мақсатында 5 дәрігер: бала невроптологы, трав­матолог, узи маманы, кардиолог, мамолог мамандары білімін жетілдіруде.

Елбасымыз әр жылғы Жолдауында денсаулық са­ласын назардан тыс қалдырған емес. Басың ауы­рып, балтырың сыздаса дәрігердің көмегіне жүгі­нетініміз белгілі, ал халықтың қажетін өтеу үшін жағ­дайдың жасалғаны дәрігер мен емделуші арасын­ да түсініспеушілік туындатпайтыны сөзсіз. «Маман тапшылығы, техниканың ескіргені» естілмейтін қо­ғамда өмір сүруге мүмкіндік туғызып отырған Ел­басымыздың саясатын қолдаймын. «Ең бірінші бай­лығың денсаулығың» демекші, елімізде халықтың денсаулығын жақсарту бағытында жасалып жатқан өз­герістерді маман ретінде дұрыс деп бағалаймын.

О.МҰҚАНОВА,

аудандық орталық аурухана директорының орынбасары

Тағы оқыңыз: Қазақстан Президенті Н.Назарбаевтың АҚШ-қа ресми сапары

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.