Ақтаудағы №2 қалалық емханада 60 мыңнан астам тұрғынға медициналық көмек көрсетіледі

Қазіргі күні мұнда 61267 адам тіркелген. Әр ауысым сайын 650-700 адам келеді, деп хабарлайды mangystaumedia.kz

Олар — 11, 24, 26, 27, 28 және еркін таңдау бойынша 29, 30-шағынаудан тұрғындары. Емхана қызметкерлері келушілерге амбулаторлық-емханалық қызмет көрсетіп келеді.

Бұл туралы Қоғамдық комуникация орталығында өткен брифингіде емхана басшысы Жарас Байғожаев мәлім етті.

Тұрғындарға кезекке тұруы үшін барлық жағдай жасалған.

- Мәселен, "Даму мед" жүйесінде дәрігерлер кестесі орналасқан. Тіркелген әрбір тұрғын аталған жүйе арқылы дәрігердің қабылдауына жазылады. Сондай-ақ, емхана аккредиттеу орталығынан ІІ дәрежелі сертификат алып, стандарттарға сәйкес триаж жүйесі арқылы қызмет атқаруда, - деді Жарас Байғожаев.

Спикердің айтуынша, ересек тұрғындар мен балаларға клиникалық мамандықтар бойынша көмек көрсетіледі. Олар: неврология, травматология, жалпы хирургия, онкология, маммология, оториноларингология, офтальмология, кардиология, нефрология, ревматология, эндокринология, гинекология, гастроэнтерология, урология, наркология, психиатрия, фтизиатрия, инфекциялық аурулар.

- Емхананың күндізгі емдеу стационарында және балаларды оңалту жұмыстар физиотерапиялық емшара, массаж, психологиялық-психотерапиялық көмек және артрамод кабинеті жұмыс жасайды. Қазіргі уақытта оңалтумен барлық пациенттер қамтылған. Сондай-ақ, науқастың өміріне тікелей қаупі жоқ аурулардың немесе созылмалы аурулардың асқынуынан денсаулық кенеттен бұзылып қиын жағдайға ұласса, 4-жеделдік санаты бойынш алғашқы көмек көрсетіледі. 2022 жылдың 3 айында 2100 науқасқа 4-санатпен қызмет көрсетілді. Оның 33-і денсаулығына байланысты ауруханаға жатқызылды, - деді Ақтаудағы №2 қалалық емхананың басшысы Жарас Байғожаев.

Айта кетейік, емханадағы ішкі аудит бөлімі науқастарды қолдау қызметін атқарады. Науқастардан түскен арыз-шағымға талдау жасалып, "Мұнда және Қазір" қағидасымен шешу жолдары анықталады. Емханаға тіркелген кез келген тұрғынның арыз-шағымы Call-center ( 8(7292) 212-831) арқылы қабылданады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.