«Ақкетік өрендері» домбырашылар ансамблі жүлдемен оралды
[ 2019 ] 7 қараша, 10:40 | Қоғам
Түпқараған ауданымыздың өнері мен спорты, білім мен мәдениет саласының жетістіктерін сүйіншілейтін хабарлар «Ақкетік арайы» газетіміздің әр санында жарияланып келеді. Осы жолы Мұрын Сеңгірбекұлы атындағы өнер мектебінің домбырашы шәкірттері мен ұстаздарының жетістігін жариялап, қуанышымен бөліспекпіз.
«Ақкетік өрендері» домбырашылар ансамблі 26-30 қазан күндері «КТК – ТАЛАНТ ЛИВЫМ ДЕТЯМ, 2019» байқауының Мәскеу қаласында өткен үшінші кезеңіне қатысып, ең үлкен жеңісі 1-орынмен басталатын халықаралық байқаудың ең жоғары дәрежедегі дипломының иесі атанып келді.
- Бұл – ТШО компаниясының Қазақстан бойынша өткізген алғашқы қайырымдылық жобасы. Бірінші кезеңде еліміздің батыс аймақтары өнерлі балаларының арасында онлайн сайыс түрі ұйымдастырылған еді. Атырау қаласында өткен екінші кезеңге де қатысып, домбырашы ансамбль бас жүлдемен оралып, Мәскеуге жолдама алған болатын. Өте керемет ұйымдастырылған жоба болды. Қатысып, жүлделі келген өнерлі өрендердің қуанышында шек жоқ. Себебі Мәскеу төріндегі сайыста қазылар алқасында отырған мәскеулік өнер саласының профессоры Лугин Сергей Федоровичтің ең жоғары дәрежедегі 20 балдық бағасын алды. Балалар өнерін көрсетумен қатар Мәскеу және Астана қалаларында шеберлік сыныптарынан өтті. Бұл біздің мектеп тарихында болған ең үлкен жетістіктің бірі деп мақтанышпен айтқым келеді, - деді Мұрын Сеңгірбекұлы атындағы өнер мектебінің директоры Гүлсім Құлғали бізге берген сұхбатында.
АҚКЕТІК-АҚПАРАТ
1708
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
