«Үздік бастауыш партия ұйымы» байқауы

«Nur Otan» партиясы Маңғыстау облыстық филиалы «Үздік бастауыш партия ұйымы» атты республикалық конкурсының облыстық кезеңін өткізді. Бұл сайыстың мақсаты – облыстық іріктеу кезеңін өткізіп, үш санат бойынша үздік бастауыш партия ұйымдарын анықтап, республикалық байқауға жолдау. Комиссия мүшелері ретінде «Nur Otan» партиясы Маңғыстау об­лыстық филиалының ұйымдас­тыру-­бақылау жұмыстары бөлімінің мең­герушісі М.Дощанов, «Nur Otan» партиясы облыстық филиалының Саяси кеңесінің мүшесі, Маңғыстау облыстық мәслихаты­ның депутаты, «Форте Банк» директоры А.Өрісбаев, Жаңаөзен политехникалық колледжінің директоры Т.Болатбаева, пар­тия ардагері Е.Іңірбайұлы, «Nur Otan» пар­тиясы МОФ «Жас Отан» жастар қанатының төрағасы Б.Қуандық, «Nur Otan» партиясы облыстық филиалының баспасөз хатшысы З.Пулатова қатысты. «Nur Otan» партиясы Маңғыстау об­лыстық филиалы төрағасының орынба­сары З.Есбергенова сөз сөйлеп, бастауыш партия ұйымдарының жұмыстарын жан­дандырып, олармен тығыз байланыста болу қажеттігін айтты. Конкурсқа қатысушы – бастауыш пар­тия ұйымдарының төрағалары комиссия алқасының алдына келіп, өздері басқарып отырған ұйымдардың жұмыстары туралы баяндап, атқарылған істерін, жеткен табыс­тарын айтып, сұрақтарға жауап берді. Бастауыш партия ұйымдарының басшы­лары арасында жастармен қатар әжелер де қатысты. Мәселен, Түпқараған ауда­ны, Ақшұқыр ауылынан келген Күләш Қасымова Елбасының тапсырмаларын, бағдарламаларын жүзеге асыруға үлес қосып жүргендігін мақтан тұтатынын айт­ты. Оған қоса Күләш әже бастауыш пар­тия ұйымының әлеуметтік желілерін де өзі жүргізеді. – Бастауыш партия ұйымдары «Nur Otan» партиясы бағдармаларының халыққа пайдасын, тиімділігін жақсы түсінеді. «Кедергісіз келешек», «Ардагерлерді ар­дақтайық», «Бақытты отбасы» сияқты бағдарламалар қоғамға өте қажет, – деді К.Қасымова. Конкурс соңында комиссия мүшелері әр санат бойынша бастауыш партия ұйымдары берген ақпараттары мен құжаттарын сарап­тап, біраз талқылап, конкурс жеңімпаздарын анықтады. Жеңімпаздарды мәлімдеу шара­сы алдағы уақытқа жоспарланды.

Ханым ҚУАТ