Мұнайлыда партиялық кадрлық резервке іріктеу басталды

“Nur Otan” партиясы Мұнайлы аудандық филиалының партиялық кадрлық резервке іріктеу басталды. Бұл туралы “Nur Otan” партиясы Мұнайлы аудандық филиалы төрағасының бірінші орынбасары Мұқанжан Қамалов мәлемдеді, - деп хабарлайды mangystaumedia.kz сайты. Өтінімдерді қабылдау 28 қазан мен 4 қараша аралығында жүргізіледі. Іріктеуге жасы 20-ға толған Мұнайлы ауданының тұрғындары қатыса алады. — Ел дамуының стратегиялық мақсаттарына қол жеткізуі үшін осы жылдың 21 тамызында партия төрағасы, Елбасы Н.Ә.Назарбаевтың басшылығымен партияның саяси кеңесінің кеңейтілген отырысы өтті. Жиында “Сенім. Диалог. Болашаққа нық қадам — “Nur Otan” партиясының жеті серпіні” атты жаңғырту бағдарламасы ұсынылды. Осы жоба аясында партиялық кадрлық резервке іріктеу басталды. Басты мақсат — ядролық электоратты қалыптастыру. Ядролық элеторат — қоғамдық пікір көшбасшыларының жаңа ортақтастығы, халық пен партия мүдделірін қорғай алатын, жаңаша көзқарасы бар азаматтар, елдің дамуы мен халықтың мәселесі бей-жай қарамайтын ел жанашырлары, - деп М.Қамалов аудан болашағына бей-жай қарамайтын Мұнайлы тұрғындарын іріктеуге қатысуға шақырды. Сондай-ақ оның айтуынша, тек партия мүшелері ғана емес, партия қатарына қабылданғысы келетін азаматтар да үміткер бола алады. Іріктеуге қатысу үшін партияның ресми сайтында “Партиялық кадрлық резерв” бөлімінде тіркелу қажет, содан кейін өтініш пен қажетті құжаттарды (жеке куәлігі, партия мүшесі болған жағдайда — партиялық билет) жүктеу керек немесе оларды партияның Мұнайлы аудандық филиалына алып келіп өткізу қажет. Филиал мекен-жайы: Мұнайлы ауданы, 16-квартал, №8 учаске. Байланыс телефондары: 8 (7292) 46-56-06. — Үміткерлердің құжаттары іріктелгеннен кейін, оларға болашақта атқаратын жұмыстар және аудан әлемеуттік жағдайын дамытатын бағдарламаларын халыққа таныстыру, үгіт-насихат жүргізі мүмкіндігі беріледі. Осы жоспарларына қарап партия басқармасы үміткерлердің ең мықтыларын партияның кадрлық резервіне сайлайтын болады, - дейді партияның Маңғыстау облыстық филиалы төрағасының бірінші орынбасары Елубай Әбілов. Сондай-ақ ол партияның облыстық бөлімінің жұмысына қысқаша тоқталып өтті. Қазіргі таңда филиалда партияның 25 272 мүшесі, 157 бастауыш партиясы бар. Жыл басынан бері 1 543 адам қабылданып, 3 424 адам шығарылған. Осы уақытқа дейін 1 900 азаматтың өтініштері қаралып, оның 1 098-і оң шешім тапқан.

Арай ЖАУПЕРОВА

Суреттерді түсірген Талант ҚҰСАЙЫН

[gallery td_select_gallery_slide="slide" ids="86695,86694,86692,86690,86689"]