Адалдық алаңы: азаматтар мен кәсіпкерлер мүддесін қорғайды

2018 жылдың желтоқсан айында Маңғыстау облысы әкімдігінде «Маңғыстау – адалдық алаңы» кеңсесі ашылған болатын. Бұл жоба аясында сыбайлас жемқорлықтың алдын алу бойынша барлық мүдделі тараптармен қоян-қолтық жұмыс атқарылып келеді. Адалдық алаңының міндеті – тұрғындардың сыбайлас жемқорлыққа қарсы мінез-құлық үлгісін одан әрі дамытып, азамат- тар және бизнес үшін кедергісіз және қолайлы жағдайлар жасау. Өңір басшысы Ералы Тоғжановтың қатысуымен «Маңғыстау – адалдық алаңы» жобалық кеңсесінің атқарып жатқан жұмысы бойынша жиын өтті. «Маңғыстау – адалдық алаңы» жобалық кеңсесінің кураторы, облыс әкімінің бірінші орынбасары Әлихан Қыраубаев өз сөзінде: – Жоба шеңберінде тұрмыстық жемқорлық­ты азайту бойынша жұмыстарды жүзеге асы­ру мақсатында жоспарлар бекітілді. Жоспарға сәйкес жұмыстар тұрақты жүргізілуде. Атап айтқанда, облыс тұрғындарының тұрмыстық жемқорлық фактілері бойынша өтініштерін қабылдау және жобаның атқарып жатқан жұ­мыстары жөнінде ақпараттарды жариялау үшін әлеуметтік желілерде арнайы парақ­шалар ашылды. Олар: фейсбук, телеграм, инстаграм, ватцап желілері. Бүгінгі күнге де­йін фейсбук әлеуметтік желісінде 20 өтініш, ватцапқа 15 өтініш келіп түсіп, осы мәселелер бойынша тиісті жауаптар берілді. Жалпы жоба аясында Елбасының Қазақстан халқына Жол­дауында айтылғандай, тиімсіз шығындарды оңтайландыру бюджет қаражатын үнемдеу жұмыстарын жүргізу мақсатында, облыс бойынша барлық 141 мектепке мониторинг жасалды. Мониторинг нәтижесі бойынша 50 мектеп директорының кабинеттері сәулет, қала құрылысы және құрылыс саласында мемле­кеттік нормативтерге сай келмеді. Сондықтан үлкен кабинеттер кіші кабинеттерге ауыс­тырылды. Босатылған кабинеттер мектеп мұғалімдеріне қосымша оқыту шараларын жүргізіп, оқушылардың жаттығу жасайтын ор­нына айналды, – деп атап өтті. Жоба жұмысы барысында бизнес көзіне айналған жалған медицина анықтама жасауды тоқтатып, тұрмыстық сыбайлас жемқорлық­тың алдын алу мақсатында 086, 083 үлгісін­дегі медициналық анықтамаларды заңсыз алу үшін жасырын сатып алушы арқылы мони­торинг шаралары ұйымдастырылды. Соның ішінде мемлекеттік әлеуметтік тапсырысты орындап, қызмет көрсетіп отырған Ақтау, Жаңаөзен қалалары мен Қарақия, Түпқараған, Маңғыстау аудандарындағы 21 емханаға мониторинг жүргізілді. Нәтижесінде жоба мүшелері мен Түпқараған ауданы, Ақшұқыр ауылындағы «Жоламан» емханасы, Ақтау қаласындағы «Сенім» медициналық орталы­ғында заңсыз медициналық анықтама жа­салғаны анықталды. Аталған мәселе бойынша, облыстық денсаулық сақтау басқармасы бас­шысына медициналық орталықтарына қол­даныстағы заңға сәйкес шаралар қолданып, анықтамаларды заңсыз алуды болдырмау бо­йынша тиісті жұмыстар жүргізілген. «Маңғыстау – адалдық алаңы» кеңсесіне «Алия», «Бойтұмар», «Шәмші» тұрғын үй кешендерінің салымшылары өтініш білдір­ген­ді. Жоба аясында Ақтау қаласының әкімі Ғалымжан Ниязов, Ақтау қаласы прокуроры­ның орынбасары Б.Шелпековтың қатысуымен әкімдік тарапынан салымшыларға қолдау көр­сетіліп, мәселеден шығу бойынша шаралар қабылданатындығын хабарлаған. Жаяу жүргінші мен көлік жүргізушілерге қолайлы жағдай жасау мақсатында облыс бойынша автомобиль жолдарында орналас­қан жол ережелері бойынша мониторинг жүргізілуде. Қазіргі таңда жол белгілерінің қолайсыз жерде орналасуы, жаяу жүргінші жолағының үзік сызықтарының болмауы, қала тұрғындары тарапынан келіп түскен заң талап­тарына сай тиісті шараларды қабылдау үшін ІІД­-ге талаптары жолданды. Агенттік бастамасымен жас ұрпақтың бойында адалдық, шыншылдық сияқты қа­сиеттерді тәрбиелеу мақсатында өңіріміздің орта, кәсіби және жоғары оқу орындарын­да сатушысы жоқ «Адалдық дүкендері» кең көлемде ашылды. Сонымен бірге «Адалдық дүкенінің» тұсауы елімізде тұңғыш рет Ақтау халықаралық әуежайында да кесілді. Сыбайлас жемқорлыққа қарсы сауаттанды­ру бойынша ерекше атап өтетін жайт, өңірде­гі мұсылмандар діни басқармасымен тығыз жұмыстар жасалуда. Атап айтқанда, өткен ай­дан бері қарай облыстағы мешіттерге әр жұма намазға жиналған 30 мыңға жуық жамағатқа парақорлықтың шариғаттағы үкімі, пара алу, пара беру және екі ортада дәнекер болудың күнә екендігі қарапайым тілмен түсіндіріліп ке­леді. Мемлекеттің экономикалық саясатының басым бағыттарының бірі – елімізде қолайлы инвестициялық ахуалды қалыптастыру. Осы мақсатта агенттік тарапынан бизнес үшін әкім­шілік кедергілерді төмендету және бизнес пен инвестиция саласында сыбайлас жемқорлық тәуекелдерін анықтап, жою бағытында бір­ қатар жобалар іске асырылуда. Солардың бірі – Сыбайлас жемқорлыққа қарсы іс-­қимыл Ұлттық бюросы, «Kazakh Invest» ҰК АҚ, облыстық «Атамекен» кәсіпкерлер палата­сымен бірлескен «Инвесторларды сыбайлас жемқорлыққа қарсы сүйемелдеу» жобасы. Аталған жоба шеңберінде инвесторлар үшін қолайлы жағдай жасау, ақпараттық көмек көрсету, сыбайлас жемқорлық тәуекелдерін анықтау сияқты іс-­шаралар қамтылған. Осы уақытқа дейін жалпы саны 34 шағым түсіп, 32 шағым бойынша кәсіпкерлердің өтініштері қанағаттандырылып, 2 өтініш қаралуда. – «Протектин бизнес энд инвестментс» жобасы аясында кәсіпкерлердің құқықтарын қорғау бағытында «Город мастеров ИП А.В. Битнер» жеке кәсіпкерінің жиhаз фабрикасына газ дәлізін жолға қою және визуалды жарнама баннерлерінің эскиздерін келісу мәселелері бойынша өңірлік фронт-­офиске шағым түскен болатын. Жобалық кеңсенің шұғыл әрекет етуінің нәтижесінде кәсіпкердің шағымданған екі мәселесі де оң шешімін тапты. Сонымен бірге «Caspian Profit»  ЖШС­-дан мемлекеттік көрсетілетін қызметтер жә­не жер заңнамасының сақталуы бойынша өтініші түсті. Атап айтқанда, Ақтау қалалық жер қатынастары бөлімі тарапынан жерге ор­наластыру жобасын бекітуден себепсіз бас тартылған. Аумақтық департаменттің арала­суымен, мәселе оң шешімін тауып, кәсіпкер­дің құқығы қорғалып, ал жауапты тұлға әкім­шілік жауапкершілікке тартылды. Бұдан басқа, кәсіпкер Н.Сейдалиевадан Мұнайлы ауданы әкімдігі тарапынан жердің нысаналы мақсатын өзгерту барысында заң бұзушылықтарға жол берілгендігі туралы өтініші келіп түскен. Ау­мақтық департаментпен жоспардан тыс тек­серіс жүргізіліп, кәсіпкердің құқығы толық­тай қорғалды, – деді ҚР Мемлекеттік қызмет істері және сыбайлас жемқорлыққа қарсы іс­-қимыл агенттігінің Маңғыстау облысы бойын­ша департаментінің басшысы, Әдеп жөніндегі кеңес төрайымы Н.Жанназарова. Аймақ басшысы Е.Тоғжанов облыстық бас­қарма басшыларына сыбайлас жемқорлық­тың алдын алуға және оған ықпал ететін се­бептерді жоюға бағытталған жүйелі шаралар қабылдануын тапсырды.

Зухра ӘБДІЛ-САТТАР Суреттерді түсірген Серік МАЙЕМЕРОВ