Мәжіліс депутаттары кәсіпкерлермен жемқорлық мәселесін талқылады

Мемлекет басшысы Нұрсұлтан Назарбаевтың жыл сайынғы Қазақстан халқына Жолдауы бойынша міндеттердің орындалуын талқылау мақсатында Маңғыстау облысына келген ҚР Мәжіліс депутаттары өңірлік «Атамекен» кәсіпкерлер палатасында мемлекеттік қызметкерлермен және жергілікті бизнес-қауымдастық өкілдерімен кездесті. Шараға ҚР Сыбайлас жемқор­лыққа қарсы іс­қимыл Ұлт­тық бюросы, «Нұр Отан» партиясының облыстық филиалы, Маңғыстау облысының кәсіпкерлер палатасы, ҚР Бас прокуратурасының Құқықтық статистика және арнайы есепке алу комитетінің облыс­тық басқармасы, сонымен қатар мемлекет­тік органдардың әдеп жөніндегі қызметкер­лері, «Kazakh Invest» АҚ филиалы өкілдері қатысты. Жиын жұмысында Маңғыстау облысында мемлекеттік қызметкерлердің жемқорлық іс­әрекеттеріне жол бермеуі, сы­байлас жемқорлықтың алдын алу, бизнесті қолдау бойынша жүзеге асып жатқан мемле­кеттік бағдарламалардың орындалуы, жас­тарды кәсіпкерлікке баулу мәселелері тал­қыланды. Жиынға қатысушылар еліміздегі сыбайлас жемқорлыққа қарсы мемлекеттік саясаттың өзекті стратегиялық мақсаттары мен міндеттері, Қазақстанның әлеуметтік­-экономикалық дамуына ықпалы және сы­байлас жемқорлыққа қарсы іс­қимыл сала­сындағы заңнамаларды жетілдірудің негізгі бағыттарымен танысып, ой­пікірлерін ортаға салды. Мемлекеттік қызмет істері және сы­байлас жемқорлыққа қарсы іс­-қимыл агенттігінің Маңғыстау облысы бойынша департаментінің басшысы, Әдеп жөніндегі кеңестің төрайымы Нұргүл Жанназарова өңірде сыбайлас жемқорлық профилакти­касы бағыты бойынша атқарылып жатқан жұмыстарға тоқталып, қоғамның дамуына кері әсер ететін құбылыстың жан-­жақты мәселелері бар екенін атап кетті. «Тендер­ді жеңіп алу үшін бизнесмендердің өздері де араласып жататын жайттар аз емес. Құжаттар жайына келер болсақ, қазір қай жерге барсаңыз да әртүрлі мекемелерде жемқорлыққа жол бермеу бағытында үлкен ауқымда шаралар өткізіліп  жатыр.  Біз бұрын бір ай күтетін нәрсе қазір бір аптада шешіледі, бес күн күтетін шаруаны бір күнде реттеуге болатын мүмкіндіктер туды. Осыған қарамастан жемқорлық әрекеттері де бүгін­гі таңда көрініс тауып жатады. Сондықтан біздің өтінішіміз еліміздің дамуына кері әсер ететін жемқорлық мәселелері бойын­ша пікір-­кеңестеріңізді айтып, жемқорлыққа қарсы іс­қимыл саласындағы заңнамаларды жан-­жақты талқылап, қоғамға тереңірек жеткізсеңіздер дейміз. Ал өңірлік «Атаме­кен» кәсіпкерлер палатасының облыстың әлеуетін арттырудағы маңызы айрықша екенін айтып өткім келеді. Кәсіпкерлер па­латасы Елбасымыз Нұрсұлтан Назарбаевтың шағын және орта бизнесті қолдау бастамасы аясында аймақта үлкен істерді атқарып ке­леді. «Атамекен» кәсіпкерлер палатасының аймақтардағы іс-­қимылымен, оның ішінде жұртшылыққа бизнес жүргізу негіздерін үй­рету саласындағы жұмыстары да жылдан­ жылға дамып, өркендей түсуде. Бұл бағыт бойынша мемлекет қабылдаған шаралардың нәтижелері бүгінде айқын көрініс тауып отыр. Айтылып жатқан сөздердің, көтерілген мәселелердің орны бар. Қоғамдағы проблемаларды атын атап, түсін түстеп айтпай, жасырғаннан ешқандай нәтиже шықпайды, еліміздің өркендеп дамуына кедергі келтіре­ді. Сондықтан біз бұл бағыттағы жұмыстар­ ды жалғастырамыз», – дейді департамент же­текшісі Нұргүл Алмасқызы. Жиын барысында халық қалаулылары маңғыстаулықтарды Елбасы Жолдауындағы сыбайлас жемқорлыққа қарсы іс-­қимыл бағытындағы басымдықтарды жүзеге асыруға қоғамның барлық әлеуметтік топтарымен бірлесіп жұмыс жүргізуге шақырды. «Жемқорлық мәселесінде екі тараптың, яғни алатын адамның да, беретін адамның да тікелей қатысы бар. Осыған қатысты заңды қанша күшейтіп, қатаңдатса да  қоғамда  бұл істер жалғасып жатыр. Қазір цифрлан дыру бағдарламасы мемлекеттік ауқымда жүргізіліп келеді. Осы ретте әрбір министр­лік, ведомство өз саласында бұл бағыттарда өз жұмыстарын жетілдіре бастады. Кейінгі интеграциялау мәселесі де маңызды, себебі сол цифрландыру жүйесінде біз осы сыбай­лас жемқорлықты жеңуге тағы бір қадам алға басамыз деген үміттеміз», – дейді ҚР Мәжілісінің депутаты Зәуреш Аманжолова. Маңғыстау облысы қоғамдық кеңесінің мүшесі, қоғам қайраткері Қайролла Ереже­пов қоғамның дамуына қолбайлау болған түйткілді мәселелерді жеткізді. Оның айтуын­ша, жемқорлыққа қарсы күрес кәсіпкерлік саласында да өзекті болып отыр. Бүгінгі жиынның да көздегені – осы келеңсіздіктерді болдырмау, алдын алу. «Бүгінгі депутаттардың мемлекеттік қызмет істері және сыбайлас жемқорлыққа қарсы іс-­қимыл агенттігінің өңірлік депар­таменті, әдеп жөніндегі кеңесімен өткен кездесуінің мақсаты – мемлекеттік қыз­меткерлердің жемқорлықтан аулақ болуға, жемқорлық іс­әрекеттеріне жол бермеуге үндеу. Жемқорлық әрекеттері кәсіпкерлер­дің де қатысуымен болатыны сөзсіз. Көбі түрлі тендер мәселелеріне қатысты. Қазіргі уақытта мемлекеттік сатып алу туралы заңның орындалуы бар, тәртіп бар, ереже бар. Қазақстан тәуелсіздік алғаннан бері мына қолданыстағы заң жылдан­-жылға жақсарып келе жатқанын да айтуымыз ке­рек. Дейтұрғанмен ішінара пара, жемқорлық деген келеңсіздіктерге тосқауыл қоя алмай жатқан тұстары бар. Менің депутаттарға қойған мәселем де осы заңнамаларды талқылаған уақытта әлде де құнттаңқырап қараса деген өтініш. Екіншіден, әртүрлі тен­дерлерге қатысты мәселелер. Қазір жылдың басы. Тендерлердің бәрі өтіп,  мердігерлер  өз қаржыларын алып жұмыстарына кірісіп кетті. Кей кезде тендерлер жыл ортасы ауып кеткенше шешілмей жатады. Бұл не деген сөз? Бұл – мердігер жұмыссыз, оған қарасты жұмысшылар да бос отыр деген сөз. Міне, осы мәселелер оңтайлы шешімін тап­са екен», – дейді қоғам қайраткері Қайролла Жеткізгенұлы. «Жиында талқыланған тақы­рыптар өте өзекті болды. Оған қатысты өз ой­-пікірлерімізді ортаға салдық. Қоғам өкілдері қойған сауалдардың, көтерген мәселелердің бар­лығын мемлекеттік деңгейде көтереміз деп ойлаймыз», – дейді Мәжіліс депутаты Бақыт­бек Смағұл. Жиын барысында қатысушылар сыбайлас жемқорлыққа қарсы іс-­қимыл және мем­лекеттік қызметкерлердің әдеп ережелерін сақтау тақырыбындағы мәселелерді талқы­лады. Елбасы Жолдауының басымдықтарын нәтижелі жүзеге асыру жолдарын жан-жақ­ты талқылаған халық қалаулылары қоғам­ның барлық әлеуметтік топтарын елімізді өркендету жолында жұмыла жұмыс істеуге шақырды.

Жайық НАҒЫМАШ