Түпқараған соты 2018 жылдың жұмысын қорытындылады

©

Өткен жылды қорытындылаған Түпқараған аудандық сот ұжымы қаралған істерде айыпталушыларға барлығы 7707660 теңге айыппұл салынып, 6275585 теңгесі өндірілгенін және әкімшілік айыппұл жазасы бойынша салынған 9448095 теңге айыппұлдың 8015026 теңгесі өндірілгені жайында брефингте хабарлады. - Статистикалық мәлімет бойынша 2018 жылы Түпқараған аудандық сотына 192 тұл­ғаға қатысты 171 қылмыстық іс түсіп, оның 191 тұлғаға қатысты 170 ісі қаралып аяқ­талған. Алдыңғы жылмен салыстырғанда аяқталған істер саны 62 іске, яғни 56,8% артқан, -­ деп мәлімдеді сот төрағасы Н.Тұр­жанов. Қылмыстық істердің өткен жылмен салыс­тырғандағы жоғары көрсеткішін масаң күйде көлік жүргізу және шетел азаматтарының ауданымызда заңсыз жұмыс жасау фактісі көбейтіп отырғанын да баса айтты. Есептік кезеңде 159 тұлғаға, 152 іске сот үкімі шы­ғарылғаны, бостандығынан айыруға 4, бас бостандығынан шектеуге 37, шартты түрде 4, қоғамдық жұмысқа 27, айыппұл жазасына 76 тұлға сотталғаны да осы брефингте мәлім­делді. - Сот ғимаратына азаматтар өз құқықтарын қорғануы үшін келеді. Барлық жағдайды кел­ген азаматтарға ыңғайлы болуы үшін, со­ларға жақсы қызмет етуіміз үшін жасаймыз. Ғимаратта азаматтық және қылмыстық істер­ді қарауға арналған 2 сот залы толықтай қон­дырғылармен қамтылған. Мұрағат, кодифи­кация, медиация, адвокат, прокурорға ар­налған кабинеттеріміз бар. Сот саласын же­тілдіруге бағытталған жеті басымдық «Мінсіз судья», «Үлгілі сот», «Әділ процесс» «Тату­ласу: сотқа дейін және сотта», «Сапалы нәтиже», «Оңтайлы орта» және «Е­сот» деп аталатын басымдықтар бойынша да атқа­рылып жатқан істеріміз өте көп. БАҚ­-пен қызмет орнату, Елбасы Н.Назарбаевтың «Ұлы даланың жеті қыры» бойынша акаде­мик, заңгер Салық Зиманов мұралары тура­лы бейнеролик түсірілгендігін хабарлаймыз. «Оңтайлы орта» басымдық бойынша қоғам­ның сотқа деген сенімін арттыру мақсатында кеңсе меңгерушісі Г.Ниязбаева аудан жас­тарын сот жұмысымен, сот жүйесіндегі жаңа­шылдықтармен, соттағы жаңа ІТ­-технология­лармен сот саласын жетілдіруге бағытталған жеті басымдық бағдарламасының мақса­тымен таныстырды. Сотта және «Нұр Отан» партиясы ғимаратында «Медиация» каби­неттері ашылды. Халық арасында Медиация заңын түсіндіру жұмыстары ай сайын жүр­гізілуде. Халықпен кездесулер өткізіліп, ме­диацияның тиімділігі, дауларды бітімгершілік жолмен шешу мүмкіндіктері туралы семинар­лар өткізілді, ­- деді. - Біздің тағы жетістігіміз деп айтуға тұ­рарлық жұмысымыз «Татуласу: сотқа дейін және сотта» жобасы арқылы отбасын бұзу жағдайына келіп түскен арыздардың 60 па­йызында татуластыру жұмыстарын жүргізе алуымыз. Дауларды бітімгершілік арқылы шешу мүмкіндіктерін азаматтарға кеңінен түсіндіріп және оның қолданылу аясын одан әрмен кеңейткіміз келеді. Болашақта жер­гілікті басшылықтармен біріккен үлкен жоба­ны іске асырмақшымыз. Нәтижесінде ажыра­су процесі азаяды деп күтеміз. Одан бөлек қайырымдылық жасау, ілтипат көрсету сын­ды азаматтық борышымызды ұжым қызмет­керлері қолдайды. Жаңа жылда және бала­ларды қорғау күні мерекелерінде балаларды тәттімен қуантсақ, 1 қыркүйек – Білім күніне орай мектеп формалары мен құрал­жабдық­тармен кейбір балаларымыз қамтылды. Сот қызметкерінің негізгі міндетіне өзіне келіп түскен арыз­шағым бойынша заңды шешімін, үкімін шығару жатады. Ал қоғамдық­ұйым­дастырушылық іс-­шараларда белсенділік та­нытуы тұрғындармен сенімді байланыс ор­натуға деген қадамдарымыз. Билер алқа­сының, медиатордың жұмыстарын нәтижелі ету Елбасының бұрыннан тапсырмасында бар. Жалпы алғанда сот жүйесінде атқары­лып жатқан шаралардың негізгі мақсаты – со­ттар жұмысын тиімді ұйымдастыру, - ­деп түйіндеді.

Өз тілшімізден