Ақтауда 279 отбасыға жаңа форматтағы атаулы көмек тағайындалды

Жаңа форматтағы атаулы әлеуметтік көмек 2018 жылдың 1 қаңтарынан бастап енгізілді. Ол аз қамтамасыз етілген отбасылар үшін бұрын бар үш әлеуметтік төлемді қамтиды. Бұл – төрт және одан да көп балалары бар отбасыларға арнайы мемлекеттік жәрдемақы, 18 жасқа дейінгі балаларға арналған жәрдемақы және атаулы әлеуметтік көмек.

Жаңа форматтағы АӘК жан басына шаққан­дағы орташа табысы күнкөріс деңгейінің 50 пайызынан төмен азаматтарға төленеді. Жаңа форматтағы атаулы әлеуметтік көмектің екі түрі бар: шартты және шартсыз.

Шартсыз ақшалай көмек құра­мында еңбекке жарамды мү­шелері жоқ отбасыларға, мысалы, мүгедектер немесе қарт зейнет­керлердің отбасылары немесе ең­бекке жарамды мүшелері объек­тивті себептер бойынша жұмыспен қамтуға жәрдемдесу шараларына қатыса алмайтын отбасыларға, мы­салы, мектеп жасына дейінгі бала­ларды тәрбиелейтін жалғыз басты анаға көрсетіледі. Мұндай отбасыға жәрдемақы алу үшін міндетті түрде жұмыспен қамту орталығының іс­-шараларына қатысу талап етілмей­ді.

Шартты ақшалай көмек әлеу­меттік келісімшарт жасалған және жұмыспен қамтуға жәрдемдесу шараларына отбасының барлық еңбекке жарамды мүшелерінің мін­детті түрде қатысуы жағдайында өз құрамында кемінде бір еңбекке жарамды мүшесі бар отбасыларға беріледі. Яғни жұмыс істей алатын адамдармен әлеуметтік келісім­шарттар жасалады.

Егер алушы ұсынылған бос орындардан бас тартса, онда ал­дымен төлемді 18  жасқа  дейін­гі балалардан және жеті жасқа дейінгі балаларды күтуді жүзеге асыратын аналардан басқа барлық алушыларға 50%-­ға, содан кейін 100%-­ға азайтады.

Жыл басынан бері Ақтау қала­сында жаңа форматтағы атаулы әлеуметтік көмек 279 отбасыға та­ғайындалды, сонымен қатар 2567 мың адам АӘК тағайындау бойын­ша кеңес алды. Оның ішінде шарт­ты ақшалай көмекті 154 отбасы не­месе 758 адам алды.

Шартты ақшалай көмек алушы­лардың құрамында өтініш берген сәтте 74 адам тұрақты жұмыс іс­теді, 101 адам жұмыссыз болды. Оның ішінде 84 адам тұрақты жұмыс орындарына орналасты­рылды, ал 11 адам қоғамдық жұ­мыстарға қатысады, 1 адам жас­тар тәжірибесіне қатысады, 5 адам қысқа мерзімді курстардан өтті.

Бір мысал айта кетсем: Бізге Приозерный кентінен бір отбасы хабарласты. Отбасында 8 адам бар. Ата­-анасы, бала­-келіні және 4 неме­ресі. Отбасында 3 жұмыссыз адам (ата­анасы және баласы). Отбасын­ да 30015 теңгеден (4 және одан көп балаларға арналған жәрдемақы) басқа табыс жоқ. Біз оларға шарт­ты ақшалай көмек түрінде АӘК тағайындадық. Ата-­анасы зейнет­керлік алдындағы жаста болған­дықтан, оларға жұмыс табу өте қиынға соқты. Сол себептен біз оларға өз кәсібін ашуға ұсыныс жасадық. Ұлы өз ісін ашып, тағы екі жұмыс орнын ашты. Қазіргі таңда олар отбасымен жиһазды қалпына келтірумен айналысады.

Менің айтпағым, біз тек жәр­демақы тағайындап қана қоймай, жұмыссыз азаматтарды жұмыспен қамтамасыз етеміз.

Біздің міндет – бірінші кезеңде барлық аз қамтылған отбасыларды анықтау, екінші кезеңде – оларды жұмысқа орналастыру және олар­ды аз қамтылғандар құрамынан шығару.

Барлық сұрақтар бойынша жұ­мыспен қамту және әлеуметтік бағдарламалар бөліміне 43-­26-­50, 42-­12-­80 телефондары арқылы ха­барласуға болады.

Күнімхан ҚОЖАХМЕТОВА, Ақтау қалалық жұмыспен қамту орталығының маманы

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.