Депутаттар тұрғындармен кездесулер өткізуде

Мәжіліс депутаттары М.Чирков, А.Тасболатов, Б.Ізмұхамбетов және А.Мурадов Маңғыстау облысының тұрғындарымен кездесуде. Депутаттар облыстағы сапарлары барысында Мұнайлы ауданының Қызылтөбе ауылындағы «Шлюмберже» мега-базасының жұмысымен танысты.

«Шлюмберже» компания­сының еңбек ұжымы­ мен кездесуге облыс әкімі Е.Тоғжанов, «Нұр Отан» МОФ төр­ағасының бірінші орынбасары Н.Тумышев қатысты.

Депутаттар Жолдаудың басым бағыт­тарына, оның ішінде әлеуметтік қамсыз­дандыру саласына баса назар аударды. Атап айтқанда, зейнетақы, жалақы, ден­саулық сақтау, білім беру салаларының қолжетімділігін арттырып, азаматтардың әл-­ауқатын жақсартуға ерекше мән берілді.

«Шлюмберже» компаниясы – әлемнің 80­-ге жуық елдерінде істейтін, 140 түрлі ұлттан тұратын, 100 мыңға жуық жұ­мыскерлері бар дүниежүзілік ірі мұнай саласындағы қызмет көрсету корпорация­сы. «Шлюмберже» сейсмикалық ақпарат пен формацияның даму процесі, ұңғы тес­ті мен тура бұрғылау, ұңғы цементтеу мен қоздыру, жасанды көтеру, ұңғыны аяқтау және консалтинг, бағдарламалар мен ақпа­ратты басқару сияқты кең ауқымды өнімдер мен қызметтер ұсынады.

Бүгінгі таңда компанияның Маңғыстау облысындағы базасында 300-­ге жуық адам еңбек етуде.

Кездесуде еңбек ұжымы халық қалау­лыларына өз ұсыныстарын білдіріп, пікір алмасты. Генерал­-лейтенант, Қазақстан Рес­публикасы Парламенті мәжілісінің депу­таты Тасболатов Абай Бөлекбайұлының айтуынша, «Шлюмберже» компаниясының қызметкерлері тарапынан ешқандай шағым болған жоқ және олардың құқықтары қор­ғалған.

– Біз Маңғыстау облысының біршама мекемелерін аралап шықтық. Соның ішінде «Шлюмберже» мега­-базасын ерекше атап өткім келеді. Бұл мекеме мұнай-­газ саласы бойынша сандық жүйеге көшуді жолға қойып, қарқынды дамып келеді. Мұнда 300­-ден аса адам қызмет атқарады, олардың әлеуметтік жағдайы жақсы екендігімен таныстық, көңіліміз толды. Себебі біз үшін ең басты мәселе қарапайым халықтың әл­ ауқатын жақсарту, – деді халық қалаулысы.

Өз хабаршымыз

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.