Маңғыстау ауданы тәуелсіздік жылдарында

©

1991 жыл

Жоғарғы Кеңес салтанатты түрде Қазақ­стан Республикасының мемлекеттік тәуел­сіздігін жариялады.

 1992 жыл

Тұщыбек санаториіне Естөре Оразақов есімі берілді.

***

Жыңғылды, Жармыш, Онды, Үштаған, Тұщыбек селоларына дейін біршама жолдар асфальттанды.

1993 жыл

Жерлесіміз ақын, сазгер, дирижер, шебер ұйымдастырушы Аманғали Ербозов аудан өнерінде соны бір бет ашты. Өмірге «Ұран от» фольклорлық ансамблі келді.

***

«Тұрмыс» шағын кәсіпорны мекемесінің жа­нынан салынған жаңа емхана пайдалануға берілді.

***

Аудандық жол пайдалану және салу учас­кесі Шетпе-­Тиген бағытындағы асфальт жол­ды одан әрі жалғастырды.

***

Шайырда су құбырының құрылысы бастал­ды.

***

«Алаторпа» жерінде 1869-­1873 жылдар­дағы Маңғыстау халқының отаршылдық қан­құйлы саясатқа қарсы көтерілісінің басшысы, ірі саясатшы, сөз зергері Иса Тіленбайұлына қайтадан көрнекті кесене орнатылып, ас бе­рілді.

1994 жыл

7-­наурыз күні республика бойынша сайлау өтті. Маңғыстау облысы бойынша ҚР Жоғар­ғы Кеңесіне депутат болып Ә.Кекілбаев, Ө.Озғанбаев, Н.Баев, С.Жүрсінбаев сайлан­ды. Аудан бойынша облыстық мәслихатқа депутат болып Қ.Қойтанов, Ж.Нұрбергенов, Қ.Сейілханов сайланды.

***

Сәуір айының жиырмасыншы жаңасында ҚР Жоғарғы Кеңесінің қаулысымен депутат Әбіш Кекілбаев ҚР жоғарғы Кеңесінің Төра­ғасы болып сайланды.

***

Тұщыбек елді мекенінде Ұлы Отан соғы­сынан оралмаған жерлестерге ескерткіш тақта орнатылды.

1995 жыл

Адай уезі төңкеріс комитетінің тұңғыш төрағасы Тобанияз Әлниязұлының туғаны­на 120 жыл толу мерекесі қарсаңында Ақ­шымырау жерінде оның атындағы мектептің жаңа ғимараты пайдалануға берілді.

***

Үштаған селосында 16 отбасына арналған 8 үй салынып, село тұрғындарына берілді.

***

Бұрынғы Бекі селолық клубының ғимара­ты ыңғайландырып, Бекі бастауыш мектебі ашылды.

1996 жыл

Аудандық мәдениет үйі ғимараты пайда­лануға берілді.

***

«Мұрагер» акционерлік қоғамының Шетпе­дегі мал бордақылау пункті жұмысқа кірісті.

***

Онды ауылында 200 орындық клуб үйінің іргесі көтерілді.

***

Бекі, Басқұдық елді мекендеріне «Қазақстан», «Хабар», «ОРТ» телеарналарына хабарын тарататын телемұнара орнатылды.

1997 жыл

Тигенде көгілдір экран іркіліссіз іске кірісті.

***

Жармыш, Шетпе, Үштаған ауылдарында Ұлы Отан соғысынан оралмай қалған боз­дақтарға қойылған ескерткіш тақта жаңар­тылды.

***

Шетпе селосындағы №6 орта мектепке ғалым, педагог Мекерия Атымұлының аты берілді.

***

Үстірттің №6 бекетіне (Уәлі) таяу жерде­гі көк майсалы жазықтықта 27­-28 маусым күндері аудан малшыларының күні өтті. Осы жерге 16 киіз үй, бірнеше палаткалар тігіл­ді. Ауыл алдына үлкен сахна құрылып, қақ маңдайына Маңғыстау ауданы деп жазылды.

***

Аудан орталығындағы балалар кітапхана­сы жаңа қонысқа орын тепті.

***

Аудандық мешіт ашылды.

***

Аудан орталығының көрнекті жеріне халық батыры Досан Тәжіұлының ескерткіші орна­тылды.

***

Шайыр орта мектебінің жанынан интернат ғимараты пайдалануға берілді.

***

Шайырда Ұлы Отан соғысы ардагерлеріне ескерткіш тақта орнатылды.

1998 жыл

Ескі Шетпедегі бұрынғы «ПУС» қиыршық тас өндіру кәсіпорны базасында Мырзабек жекеменшік фирмасы өз жұмысын бастады.

***

Бұрынғы аудандық бюджет банкісі ау­дандық қазынашылық бөлімі болып шағын­далып, қайта құрылып, қызметін бастады.

***

№2 орта мектепке техника ғылымының кандидаты, ұстаз, ғалым Маңғыстау топыра­ғының түлегі Б.Жұмалиев есімі берілді.

***

Шетпе кентінде «Арна» телестудиясы жұ­мысын бастады.

***

Тарихи тұлғалар Назарұлы Шотан, Тәжіұлы Досан батырлар мен Тілеуұлы Абыл ақынның рухына арналған, Қаратөбе жерінде 15­-16 ма­мыр күндері ұлан-­асыр дүбірлі ас берілді.

***

Маңғыстау ауданының құрылғанына 70 жыл толуына орай ұлан асыр ұлы той өтті.

***

Көрнекті Мемлекет қайраткері Жалау Мың­байұлының ескерткіші ашылды.

***

Шетпеде аудандық өлкетану мұражайы ашылды.

1999 жыл

Қаңтар айының 10 жұлдызында ҚР Президентінің сайлауында Н.Назарбаев жеңіске жетті.

***

Елімізде 25-­ақпан мен 4-­наурыз ара­лығында тұңғыш халық санағы өткізілді.

***

Маусым айында Үстірт үстінде малшылар тойы өтті.

***

Онды ауылында жаңа мәдениет үйінің құрылысы пайдалануға берілді.

***

Шетпеде биіктігі 33 метрлік телемұнара пайдалануға берілді.

***

Халық жазушысы, Мемлекеттік қайраткер Әбіш Кекілбаевтың 60 жас мерейтойы өт­кізілді.

2000 жыл

1941-­45 жылдардағы Ұлы Отан соғысы­ның 55 жылдығына байланысты Москва қаласында өткізілген мерекелік әскери ше­руге ауданнан Бисен Жаңбырбаев, ал Ас­тана қаласындағы мерекелік шеруге Мұқыр Ниязов қатысып, қайтты.

***

Шебір ауылында Қаратөбе мектебі салы­нып, пайдалануға берілді.

2001 жыл

«Жетібай-­Шетпе» газ құбырының құрылы­сы басталды.

***

Аудандық мәдениет үйі күрделі, сәнді жөн­деуден өткізіліп, қайта ашылды.

***

Қараша айының 9-­ы Шетпеге көгілдір газ келіп, аудан халқы үшін айырықша қуаныш, алғыс жауған күн болды. Осы күні көптен күткен 80 шақырымдық «Жетібай-­Шетпе» газ құбыры қосылып, Шетпеге газ құбыры келді. 

2002 жыл

Аудандық аурухананың бас корпусы күр­делі жөндеуден өткізіліп, бүтіндей жаңа төсек, орындармен жабдықталды.

***

Шетпедегі гимназия мектебі осы жылы оқушыларды ерекше жағдайда қабылдап, өз есігін айқара ашты.

***

Онды, Шайыр мәдениет үйлері жөндеуден өтті.

***

Шебір селолық клубы бой көтерді.

2003 жыл

Ұлы Жеңістің 58 жылдығы құрметіне Ақ­шымырау ауылында Ұлы Отан соғысынан қайтып оралмағандарға арнап ескерткіш тақта орнатылды.

***

Бекі ауылына көгілдір отын келді.

***

Шетпеде орталық стадион ашылды.

***

Шайыр ауылынан Жыңғылды ауылы­на Қаратау биігінен асып түсер тау жолы қалыпқа келді.

***

Ақшымырау ауылының Үлек жерінде Ер­менбет би ата рухына ас берілді.

***

Өтес ауылы, теміржолдың терістігіндегі шағын ауыл да көгілдір газды өз үйлерінде жаға бастады.

***

Бекі су тазарту қондырғысы іске қосылды.

***

Өтес кентінде отбасылық емхана үйі пай­далануға берілді.

***

Ондыға газ келді.

2004 жыл

Шетпе селосынан аудандық «Жаңа өмір» газеті редакциясының жаңа ғимараты ашыл­ды.

***

Шетпе селосында ұялы телефон байла­нысы іске қосылды.

***

Шетпе-­Онды газ құбыры тартылды.

***

50 балаға арналған «Рахат» балабақшасы ашылды.

***

Шетпе гимназиясы ашылды.

***

Ақшымырау­-Қызан су құбыры тартылды.

***

«Өрдек» шаруа қожалығы құрылды.

***

Шетпе­-Онды газ құбыры тартылды.

***

Ауылға 2 газ құю стансасы салынды.

***

Жармышқа газ желісі тартылды.

***

С.Нұрниязұлы атындағы мектеп­-интер­наттың 200 балаға арналған жатақханасы жаңадан салынды.

2005 жыл

Жыңғылды ауылына газ желісі тартылды.

***

Шетпе–Жармыш газ құбыры тартылды.

***

«Қазақтелеком» АҚ телефон желісі тартыл­ды.

***

Тұщыбек селосына бастауыш мектеп са­лынды. Қазіргі таңда 24 оқушы оқиды.

***

Тұщыбек селосына табиғи газ желісі тар­тылды.

***

Шебірде Ұлы Жеңістің 60 жылдығына ес­керткіш тақта орнатылды.

***

Өтестегі Шығыс шағын ауданына газ құ­быры тартылды.

2006 жыл

120 орындықты Шетпе лицейі ашылды.

***

Шетпе-­Шайыр газ құбыры тартылды.

***

Тобанияз атындағы мектепке қосымша құрылыс салынды.

***

Үштаған селосынан 550 орындық орта мектеп салынып, пайдалануға берілді.

***

Онды орта мектебінің ғимараты күрделі жөндеуден өтті.

***

Тұщықұдықта «Дария» МҚК су тарату орталығы өз жұмысын бастады. Су тазалау қондырғысы пайдалануға берілді.

***

Өтес селосында мешіт пайдалануға берілді.

***

С.Нұрниязұлы атындағы мектеп-интер­натқа жабық спорт зал салынды.

***

Жыңғылды ауылында Н.Бейнеуов атындағы жастар саябағы ашылып, Н.Бейнеуовтың ескерткіш бюстісі орнатылды.

***

Отпан селосында бастауыш мектеп ғима­раты пайдалануға берілді.

2007 жыл

Тұщықұдық мәдениет үйінің ірге тасы қаланды.

***

14 шақырымдық «Қызан­-Ақшымырау» қатқыл табанды автокөлік жолы пайдалануға берілді.

***

Цемент зауытының тұсауы кесілді.

***

Аудан орталығынан нотариалдық кеңсе ғимараты пайдалануға берілді.

***

Түбекке танымал атақты шопандар Оспан Шамығұлов пен Мүберек Тегісбаевтардың ұзақ жылдар тұрған үйлеріне ескерткіш тақта орнатылды.

***

Отпан тауда «Адай Ата тарихи­-мәдени ке­шені» ашылды.

***

«Шетпе­-Шайыр» газ құбыры пайдалануға берілді.

***

Тобанияз атындағы орта мектепке қосымша құрылыс – алты сынып бөлмесі мен елу орындық асхана ғимараты пайдалануға берілді.

2008 жыл

Бекі фельдшерлік-­акушерлік пункті жұмы­сын бастады.

***

Жыңғылдыда «Құлыш қажы» мешіті ашылды.

***

«Отпан» фольклорлық ансамблі құрылды.

***

«Отпан» фольклорлық ансамблі Тараздан табысты оралып, Венгрияға жолдама алды.

***

Шетпе­-Шетпе-­1 ауылы аралығындағы ұзындығы 1,550 шақырым жол жөнделді.

***

Шетпе селоішілік 14,1 шақырымды қат­қыл табанды жол мен Шетпеден Шайыр бағытына жүретін жолдан қазіргі техникалық колледжге қарай өтетін ұзындығы 800 метр жер аралықтары жөндеуден өтті.

***

Ауданымызда 80 жылдық мерейтойы қазан айы туа-­ақ басталып кетті. Мереке аясындағы шараларға орай аудан, ауыл орталықтарында кезінде ауданымыздың ме­рейін өсіру жолында жан аямай тер төккен, өмірі көпке өнеге болған, бүгінде арамызда жоқ, елеулі есімдерге арнайы жасақталған тақталар орнату басталды. Ескерткіш тақ­талар даңқты жерлесіміз Әбіш Кекілбаев, ұлы спортшы Әмин Тұяқов, Республика Парламентінің депутаты, облыста білікті басшы болған Жадырасын Қоңырбаевтар оқыған Онды, Шайыр, Шебір мектептерінің, сынып бөлмелерінде қойылды. Сондай­-ақ осындай тақталар атақты жылқышы, «Ленин» орденінің иегері Н.Мейіровтің, Ұштағандағы Жеңіс парадына қатысушы, майдангер Ж.Есболаевтың Ондыдағы үйлеріне де қойылды.

***

«Шөлтөбе­-Үштаған» газ құ­быры құрылысы межелі уа­қытында тиянағына жетіп, ауылға армандай болған көгіл­дір отын келтірілді.

 ***

Өнер мектебінің құрылысын салған ЖК Имашев Сағынғали мектеп директорына символ­дық кілтін табыс етті.

***

Шоқыр Бөлтекұлы атындағы жабық спорт кешені ашылды. Аудандық спорт мектебінің бастығы Қ.Ізбеновке «УАЗ» автокөлігінің кілті мен спорт кешені құрылысын салған ЖК Б.Жүсіпов мектептің символдық кілтін табыстады.

***

Баға нарығын тұрақтандыру және жұмыссыздық деңгейін мейілінше азайтып, жаңа жұмыс орындарын ашу мақсатында ауданда бизнес-­инкубатор са­лынып, пайдалануға берілді. Бизнес­-инкубаторда 12 бутик орналасқан.

***

Жалпы аумағы 3 гектар бола­тын ауданда 150 орындық жаңа аурухана құрылысы басталды.

***

Ауданымыздың 80 жылды­ғымен тұспа­-тұс Маңғыстау аудандық сотына да биыл 80 жыл толып отыр. 

2009 жыл

 Шетпе селосынан 150 ба­лаға арналған «Айдын» балабақшасы іске қосылды.

***

Шетпе селосынан «Нұр Отан» ХДП ғимараты іске қо­сылды.

***

Шетпе селосы Ащыбұлақ шағын ауданына газ, электр жарығы тартылды.

***

№29 скважинадан Үштаған селосына дейінгі су құбыры құрылысының 1 кезеңі бастал­ды.

***

Ұзындығы 3,75 шақырым «Сауысқан–Сазды» су құбырының құрылысы салы­нып, пайдалануға берілді.

***

Жарма елді мекенінде су құбыры құрылысы салынып, пайдалануға берілді.

***

300 орындық Үштаған се­лолық Мәдениет үйіне күрделі жөндеу жүргізілді.

***

Тұщыбек бастауыш мекте­бі негізгі орта мектеп болды. Қазіргі таңда 73 оқушы оқиды.

***

Е.Оразақов атындағы өкпе ауруына қарсы санаторияға күрделі жөндеу жүргізілді.

***

Тұщыбек селосына 500 метр жерге автокөлікке арналған табиғи тастан қатты жол төселді.

***

Онды дәрігерлік амбулато­риясы ағымдағы жөндеуден өткізілді. Онды селосынан «Құлын­шақ» 50 балаға арналған балабақшасы іске қосылды.

***

Онды селолық мәдениет үйі күр­делі жөндеуден өтіп, іске қосылды.

***

Онды селолық әкімдігінің ғима­раты ашылды.

***

Онды селосынан «Ай­-Ана» ес­керткіші ашылды.

***

Онды селосында Ә.Кекілбаевтің 70 жылдық мерейтойы мерекеленді.

***

Онды селоішілік су құбыры тар­тылды.

***

Бұрынғы бос тұрған дүкен ғима­раты ағымдағы жөндеуден өткізіліп, «Онды ауылы әкімі аппаратына» пайдалануға берілді.

***

Онды асфальт жолы ағымдағы жөндеуден өткізілді.

***

Тұщықұдық ауылішілік көшелер жарықтандырылды, 83 орынды «Нұ­рай» балабақшасы ашылды.

***

Тұщықұдық селосында мәдениет үйі пайдалануға берілді.

***

Шайырда жаңадан салынған жеке тұрғын үйлерге электр желісі тартыл­ды.

***

Шайыр селолық демалыс паркі қайта жаңғыртылды.

***

Шебірде газ желісі барлық үйлерге тартылды.

***

«Қиғаш» су құбырынан барлық үйлерге су толықтай берілді.

***

Бірқатар ұялы байланыс опера­торлары іске қосылып, 2009 жылдан бері халыққа қызмет көрсетуде.

***

Өтес селосында газ құбыры іске қосылды.

***

Жармыш орта мектебіне күрделі жөндеу жүргізілді.

***

Актив, Белайн ұялы байланыс операторлары іске қосылды.

***

Ақшымырау селосынан 50 орын­дық «Айгөлек» балабақшасы ашыл­ды.

***

«Шалқар радиосы» хабар тарата бастады.

***

Қызан селосынан 80 орындық «Балауса» балабақшасы ашылды.

***

Қызан селосына газ құбыры желісі салынып, пайдалануға берілді.

2010 жыл

Шетпе селосынан мемлекеттік қызметкерлер мен жас мамандарға 16 пәтерлі тұрғын үй салынып, іске берілді. «Көгез­-Шетпе» су құбыры құрылысы басталды.

***

Ақшымырауда «Коммұнай» ЖШС демеушілігімен ашық спорт алаңы салынды.

***

Үштаған селосында мешіт салын­ды.

***

Селоға ұялы байланыс «Асtiv» жүйесі орнатылды.

***

Тұщыбек селосына жаңадан са­лынған тұрғын үйлерге электр желісі жүргізілді.

***

Отпан селолық округі аумағында Бекет атаның 260 жылдығы мереке­ленді.

***

Бекі су құбыры реконструкциялау жұмысының І кезеңі іске асырылды.

***

Өтесте 56 балаға арналған «Жауқазын» балабақшасы ашылды.

***

Өтес селосынан спорт кешені салынып, іске қосылды.

***

Қызанда Мәдениет үйіне күрделі жөндеу жұмысы жүргізілді.

***

«Коммұнай» ЖШС демеушілігімен спорттық алаң салынды.

2011 жыл

Шетпе селосынан 200 орынды «Балбөбек» балабақшасы ашылды.

***

Шетпе селосынан 150 орындық аурухана ашылды.

***

180 орынды «Айналайын» балабақшасы ашылды.

***

Шетпе селосынан мемлекеттік қызметкерлер мен жас мамандарға 24 пәтерлі тұрғын үй салынып, пайдалануға берілді.

***

Аудандық «Жаңа Өмір» газетіне 70 жыл толды.

***

Ақшымырауда «Ақбұлақ» бағдарламасы бойынша су құбырын тарту жұмыстары басталды.

***

Үштаған селоішілік су құбыры құрылысының 2 кезеңі басталды

***

№15 теміржол бекеті елді мекенінен екі жер асты ұңғысы қазылып «Дария» МКҚК теңгеріміне берілді.

***

Тұщыбек селосында жаңадан салынған тұрғын үйлерге қосымша газ желісі жүргізілді.

***

Қызан селоішілік су құбыры тартылды.

***

Тұщықұдық селоішілік су құбыры тартылды.

***

Шайыр ауылішілік су құбыры тартылды.

***

Село әкімшілік ғимаратына толықтай жөндеу жүргізілді

***

Шебір селоішілік су құбыры тартылды.

***

Өтес спорт кешені салынды.

2012 жыл

66 баланы қамтитын «Наз» жекеменшік балабақшасы ашылды.

***

Халыққа қызмет көрсету орталығы пайдалануға берілді.

***

Үштаған селосындағы су құбыры құрылысы аяқталып, пайдалануға берілді.

***

Тұщыбек селосынан 50 орындық балабақша құрылысы салынып, пайдалануға берілді.

***

Қызан селосының орталық барлық көшелері жарықтандырылды.

***

Тұщықұдық-Қияқты тас жолы салынды

***

Жыңғылды-Шайыр грейдер жолы пайдалануға берілді. ТАҒЫ ОҚЫҢЫЗ: Қант диабеті қандай ауру?

***

Шебірде 50 орындық «Ақбота» балабақшасы салынды.

***

Өтесте 50 балаға арналған «Балдәурен» балабақшасы ашылды.

***

Жармышта шағын спорт алаңы салынды.

***

Жармыш орта мектебіне күрделі жөндеу жұмысы жүргізілді.

2013 жыл

Жыңғылдыда 80 балаға арналған «Ақ Шағала» балабақшасының құрылыс жұмыстары аяқталып, пайдалануға берілді.

***

Орта мектеп жанынан мұнайшылардың демеушілігімен газонды спорт алаңы салынды.

***

Жармышта ауылішілік асфальт жолдарына жөндеу жүргізілді, село әкімдік үйіне жөндеу жұмыстары жүргізілді.

***

80 орындық «Еркетай» балабақшасы пайдалануға берілді, ауыл жастарымен күрес залы ашылды.

***

Шебірде дәрігерлік амбулатория салынды. Шағын футбол алаңы ашылды.

***

Шайыр селолық дәрігерлік амбулатория пайдалануға берілді, жаңадан салынған тұрғын үйлерге газ құбыры тартылды.

***

Наубайхана ашылды.

***

Қызанда орталық саябақ салынды.

***

Ондыда селоішілік электр желісін кеңейту жұмыстары жасалды, сандық телехабар тарату станциясы мен телефон жүйесі станциясы құрылысы салынды. Көше жарығы орнатылды.

***

Үштағанда шағын футбол алаңы салынды.

***

Шетпеде 75 балаға арналған «Ер Төстік» балабақшасы ашылды. «Ақбөкен» мейрамханасы, «Гүлнәз» сән салоны, «Ақниет» әмбебап сауда орталығы ашылды. «ҚазМұнайГаз» АҚ-ның сұйытылған газ сататын бекеті ашылды. «Жаңа Орпа» шағын ауданы кентішілік сумен қамтылды. Маңғыстау ауданының 85 жылдығы тойланды. 2 футбол алаңы ашылды. Ескі перзентхана ғимараты күрделі жөндеуден өтті. Шетпе, Шетпе-1 аралығындағы бұзылған жол қалпына келтірілді.

***

Шайырда 80 баланы қамтитын «Қызғалдақ» балабақшасы ғимараты салынып, пайдалануға берілді.

2014 жыл

Шетпе селосындағы 11 шағын ауданына балалар ойын алаңдары пайдалануға берілді.

***

Сәнтөре Қобыландықызының емханасы ашылды.

***

20 муниципалды тұрғын үй пайдалануға берілді.

***

Қосбұлақ-2 шағын ауданында жаңадан салынған тұрғын үйлерге газ құбыры тартылды.

***

Базарлы шағын ауданында автокөлік және жаяу жүргіншілерге арналған аспалы көпір пайдалануға берілді.

***

«Каспий Цемент» зауыты іске қосылды.

***

Ақшымырауда Электр желілері жаңартылып, 3 жаңа КТП орналастырылды.

***

Сазды елді мекеніндегі медпункт ғимараты балалар шағын орталығы болып өзгертіліп, пайдалануға беріл­ді.

***

Тұщыбек негізгі орта мектебіне күрделі жөндеу жұмыстары жүргізіл­ді.

***

Қызанда ауылішілік асфальт жол салынды, аялдама жастардың де­меушілігімен салынып, тұрғындар игіліне пайдалануға берілді. «Ақбұ­лақ» бағдарламасымен су тартыл­ды.

***

Тұщықұдық дәрігерлік амбулато­риясы салынып, іске қосылды.

***

Шайыр селосына «Bellaine», Тиген селосына «Теле-2» бағаналары ор­натылып, байланыспен қамтылды.

***

Мәдениет үйінің шатырына жөн­деу жұмыстары жүргізілді.

***

Селоішілік 1,5 шақырым жаяу жүр­гіншілер жолы салынды.

***

Тиген бағытына қарай 23 шақы­ рымнан 49 шақырымға дейін ас­ фальт жол салынып аяқталды.

***

Шебірде клуб, жабық спорт кешені салынды.

***

Жармышта ауыл орталығында ескерткіш тақта жаңартылды, парк жаңартылып, шарбақпен қоршалды, «Жұмыспен қамту-­2020» бағдарла­масымен жаяу жүргіншілер жолы салынды. Ауыл орталығынан бала­лар ойын алаңы салынды, амбула­тория пайдалануға берілді.

2015

Жыңғылдыда 80 орындық «Ұлан» балабақшасының құрылыс жұмыс­тары аяқталып, пайдалануға берілді

***

«Таушық-­Жыңғылды» магистраль­ды газ құбырының құрылысы аяқ­талды.

***

«Шетпе-­Тұщыбек­-Жыңғылды» талшықты байланыс жүйесінің құрылыс жұмыстары аяқталды.

***

Е.Айшуақұлы атындағы орта мек­тепке күрделі жөндеу жұмыстары жүргізілді.

***

Жаңадан ауылдық амбулатория­ның құрылыс жұмыстары жүргізіліп, пайдалануға тапсырылды.

***

Жармыш орта мектебіне жөндеу жұмыстары жүргізілді, ескерткіш тақ­та маңы кеңейтіліп, орталық алаңға сахна жасалды.

***

Өтесте «Ақбұлақ» бағдарламасы аясында су құбыры тартылды.

***

Шайыр село ішілік 4,9 шақырым асфальт жолы салынды.

***

«Шетпе сулары» LTD ЖШС Шайыр селосынан ауыз суды құтыға құю зауыты ашылды.

***

Тұщықұдықта «Қол жетімді баспа­на» бойынша 4 пәтерлі муниципал­ды баспана салынып, пайдалануға берілді.

***

«Шетпе­-Қызан» бағытында ас­фальт салынып жатыр.

***

Қызан ауылындағы саябақ жөн­делді.

***

Ондыда ардагерлер үйі ғимараты күрделі жөндеуден өтті, селоішілік жаяу жүргіншілер жолы құрлысы са­лынды.

***

Онды, Бекі ауылдарында бала­лардың ойын алаңдары құрылысы салынды.

***

Тұщыбек селосынан парк орны бел­гіленіп, қоршалды.

***

Үштаған селосынан дәрігерлік ам­булатория ғимараты құрылысы аяқ­талды, пайдалануға берілді, 80 орын­дық балабақша құрылысы салынып, пайдалануға берілді. Ардагерлер үйі ашылды.

***

Ақшымырауда Ә.Тобанияз атында­ғы орта мектепке автобус автокөлігі алынып, берілді, 150 орындық мәде­ниет үйі салынды, 2 жерден селоішілік автобус аялдамасы салынды.

***

Шетпеде 32 баланы қамтитын «Толағай» жекеменшік балабақша­сы ашылды. С.Қондыбай мұражайы ашылды. «Қинах­-Шопан» мал сою пункті ашылды.

***

Шайыр селосына, Тиген елді ме­кеніне балалар ойын алаңы салынды.

2016 жыл

Шетпе сулары заводы ашылды. Жаңа көпір пайдалануға берілді. «Ар­химедка» білім беру орталығы, «Өр­кен» жеке емханасы, «Болашақ» жеке­ меншік балабақшасы ашылды.

***

Шетпе­-1, Жаңа орпа, Қарашоқы, Базарлы шағын аудандардың көшелеріне жаяу жүргіншілер жолы салы­нуда.

***

Ақшымырауда спорт кешені ғима­раты салынып, қолданысқа берілді.

***

Селоішілік 1 шақырым жаяу жүргін­шілер жолдары салынды.

***

«Ақбұлақ» бағдарламасы аясын­да Тұщыбек селосында селоішілік су жүйесі жүргізілуде.

***

Мемлекеттік бағдарламаға сәйкес «Шынар» шаруа қожалығына жер ас­ты су скважинасы қазылып берілді.

***

Басқұдық, Жарма елді мекендеріне көгілдір отын берілді.

***

Қызанда селоішілік жаяу жүргін­шілер жолы салынып жатыр, спорт кешені құрылысы басталды.

***

2016 жылы Тұщықұдықта мешіт са­лынды.

***

Кәсіпкер С.Мұсабаевтың демеу­шілігімен Шайыр ауылына спорт зал салынып берілді.

***

Шайырда ауыл тұрғындарының, кәсіпкерлердің қолдауымен мешіт ғи­мараты салынып, пайдалануға бе­рілді.

***

Өтесте 3,8 шақырым асфальт жол, 1850 метр жаяу жүргінші жолы салын­ды.

***

Жыңғылдыда ауылішілік ауыз су жүйесінің құрылыс жұмыстары бас­талды.

***

«Ақтау-­Шетпе» автотрассасының бойына салынған ескі көпірді қайтадан жаңғырту жұмыстары аяқталды.

***

Онды, Жыңғылды, Тұщықұдық, Ақшымырау, Жармыш ауылдары­нан «Қолжетімді баспана­-2020» бағ­дарламасы бойынша 4 пәтерлі муни­ципалды үйлер салынды.

2017 жыл

КСРО спорт шебері Әмин Тұяқовтың 80 жасқа толған мерейтойы аталып өтілді.

***

Ақшымырау ауылында спорт ке­шені, бүлдіршіндерге арналған ойын алаңы салынды.

***

Астана қаласындағы «ЭКСПО-­2017» Халықаралық көрмесі ашылып, аудан ардагерлері барып қайтты.

***

«Шетпе-Қызан» жолының 21-­49 шақырым аралығы асфальттанды.

***

«Шетпе-Жетібай-­Ақтау» бағытындағы республикалық дәрежедегі автокөлік жолының құрылысы аяқталды.

***

«Тұщықұдық­-Шебір» қатқыл табанды жолы пайда­лануға берілді.

***

«Қияқты-Тұщықұдық» автокөлік жолы жөнделді.

***

«Жыңғылды-­Шайыр­-Шерқала» автокөлік жолы жөн­делді.

***

Өтес ауылы, Толыбай шағын ауданында жол салынды.

***

«Сегізбай Ата» ауыл шаруашылық кооперативі аудан­да алғаш рет мал базарын ашты.

***

Ауданда алғаш рет балалар ойын­-сауық орталығы ашылды.

***

Шайыр орта мектебіне халық ағарту ісінің үздігі Тұрар Жалғасбайұлының есімі берілді.

***

Елбасы Н.Назарбаевтың халыққа жолдаған Жол­дауында қазақ жазуын латын әліпбиіне көшіру туралы ұсыныс айтты.

***

«Отпан тау» тарихи-мәдени кешенінің ашылғанына – 10 жыл.

***

Ауылымыздың түлегі, «ВС­-строй» құрылыс компания­сының директоры Сұңғат Мұңалбаевтың демеушілігімен Шетпе-­1 шағын ауданынан «Азамат» спорт кешені мен жүзу бассейні ашылды.

***

«Отпан» фольклорлық ансамбліне 10-­жыл, «Ақтілеу» әжелер ансамбліне 15 жыл толды.

***

А.Меңдалыұлы атындағы орта мектеп жанынан бала­лар ойын алаңы ашылды.

***

Аудан орталығында 50 орындық жекеменшік «Нұрсая» балабақшасы ашылды.

***

Қуаттылығы сағатына 20000м. 3 газ жеткізетін «Ока­рем-­Бейнеу» магистральды газ құбыры құрылысы ашыл­ды.

***

Ащыбұлақ-­2 шағын ауданынан жекеменшік «Дархан» балабақшасы ашылды.

***

Аудан тарихында алғаш рет ет консерві цехы ашылды.

2018 жыл

Қызан ауылында спорт кешені пайдалануға берілді.

***

Қосбұлақ шағын ауданында әмбебап спорт алаңы са­лынды.

***

50 жылдық тарихы бар Б.Жұмалиев атындағы орта мектепке күрделі жөндеу жұмыстары жүргізілді.

***

Ащыбұлақ ауылынан 600 орындық жаңа мектеп пайдалануға берілді.

***

Қос қабатты 3, 4, 5 тұрғын үйлер жанына ойын алаңы салынды.

***

Кәсіпкер Т.Ерманов Жыңғылдыдан 2 пәтерлік 2 тұрғын үй салып, әлеуметтік қолдауды қажет ететін 4 отбасыға табыстады.

***

Шетпе ауылындағы 16 пәтерлік 2 қабатты тұрғын үйлер күрделі жөндеуден өткізілді.

***

Жыңғылды ауылдық округіндегі ауылдарды ауыз және техникалық сумен қамтамасыз ету құрылысы аяқталды.

***

«Қазба-­Ақшымырау» су құбыры пайдалануға берілді. Онды орта мектебіне Әбіш Кекілбайұлының аты беріл­ді.

***

Қызан ауылішілік 5,7 шақырым жол пайдалануға берілді.

***

Шетпе-Онды-Ұштаған ауылдарына талшықты бай­ланыс желісін тарту жұмыстары толықтай аяқталды.

***

Тұщыбек, Қызан, Шебір, Шайыр, Үштаған ауылдары­нан «Қолжетімді баспана­-2020» бағдарламасы бойынша 4 пәтерлі муниципалды үйлер салынды.

***

Ауданда 7 орта мектеп жанынан жылыжай салынды.

***

С.Нұрниязұлы атындағы мектеп­-интернаттың базасы­нан «IT-сынып» ашылды.

Жаңа өмір газеті №49-50, 10 қазан, 2018 ж.

Суретті түсірген Талант ҚҰСАЙЫН