Қоғамдық кеңестің рөлі қандай?

«Өркениетті келешек» қоғамдық қорының төрайымы Гүлбаршын Қарабалина Түпқараған ауданының қоғамдық кеңес мүшелерімен кездесіп, осы кеңестің жұмысы туралы мәселелерді қамтыды.

ҚР Дін істері және азаматтық қоғам министрлігінің тап­сырмасын басшылыққа алып келген Г.Қарабалина «Қо­ғамдық кеңесті қалай жандандырамыз?» деген сұрақтан бастап, басқа да түрлі сұрақтарын дайындап келген. Ең алдымен қоғамдық кеңес мүшелерінің барлығынан өз жұмыстарына баға беруін сұрады.

- Қоғамдық кеңес туралы ҚР заңында жалпы ережесі, республикалық және жергілікті деңгейде қалыптастыру тәртібі, жүзеге асыру тәртібі, бақылау саласындағы өкі­леттігін іске асыру тәртіптерінен тұратын тараулары жә­не бабтарымен кеңес мүшелері таныс. Мысалы 3-­ба­бында, қоғамдық кеңестердің мақсаты мен міндеттерін­ де:

Азаматтардың  жеке мәселесін емес, елдің игілігіне жасалып жатырған істерді қамти алатын қоғамдық кеңес заңына өзгерістер енгізуін сұраймыз. Мысалы, аудандағы қоғамдық кеңесте 25 мүше болса, президиумда – 7 адам. Жұмысын толық­тай жақсы дей алмаймын. Себебі қоғамдық кеңесті өткізетін, оның мүшелері отыратын біріншіден орын жоқ. Өзінің жеке кабинеті болмаса, оның мүшелері тұрақты кабинет ішінде отырмаса, басқа мүшелері ауданның басқа елді мекендерінен қашықтыққа байланысты кейде қатыса алмаса, байланыс құралдары жоқ болса, оның жұмысы өз­өзінен тоқырауға түсетіні анық. Ережесімен толықтай таныспыз. Осы олқылықтары болмаса, жұ­мысын заңына сәйкес өз тарапымыздан жүргізіп отыр­мыз, ­- деді аудандық қоғамдық кеңестің төрағасы Деме­ген Садықов.

- Ережесінде қоғамдық кеңестің дербес, тәуелсіз болуы керектігі айтылған. Бірақ ешқандай қаржысы қарасты­рылмаған. Оның құрамында заңгері, эксперт мамандары жоқ, я болмаса осы мамандармен жұмыс жасай алатын қаржысы жоқ. Ол ешқандай қаржысы болмаса, қалай дербес әрі белсенді жұмыс жасай алады. Қазір әкімдік жанында қауымдастық кеңес бар, одан мына қоғамдық кеңес, әр мектеп жанында қамқоршылық кеңес деген тағы бар, аттары болмаса, барлығының жұмысы күшті болып жүріп жатқанын байқамаймыз. Осылардың бар­лығын министрліктерге жеткізерсіз, ­- деген ұсынысын айтты.

Шара соңын түйіндеген Г.Қарабалина бұл сауална­маға 58 қоғамдық кеңес, 28 аудан және 14 қалалық кеңестер қамтылатынын айтып, барлық сауалнама нә­тижесі министрлікке жолданатынын айтты. – Қоғамдық кеңестің жұмысы жүріп, азаматтар игілігіне толықтай жа­рап жатса, сауалнама өз нәтижесін бергені деп есептей­міз. – деді қатысушылар.

Клара МЕҢДІБАЙҚЫЗЫ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.