Жас түлек – ел болашағы

©

Маңғыстау облыстық білім басқармасының ұйымдастыруымен «Aktau Palace» мейрамханасында облыс әкімінің қатысуымен «Жас түлек - 2018» атты биылғы мектеп бітірушілердің арасынан «Алтын белгі» мен «Үздік аттестат» иегерлеріне арналған кеш өтті.

Кеш басталмай тұрып Ақ­тау қалалық білім бө­лімінің басшысы Свет­лана Төлеубаевадан кештің өту мақсаты мен маңызын сұраған болатынбыз: «Былтырғы жылмен салыстырғанда қаламызда «Алтын белгі» иегерлерінің саны біршама өсті, былтыр 20 болса, биыл 47­-ге жеткіздік. Бұл – үлкен жетістік. Қала бойынша биыл бітірген түлектер саны – 1436, оның 1132-­сі ұлттық бірыңғай тестілеуге қатысқалы жатыр. Республикалық пән олимпиада­ сының бас жүлдесін 2 түлегіміз иеленді. Мектеп бітірушілер ар­манына сүрінбей жетіп, заңғар биіктерден көріне беруіне тілек­ теспіз!» – деп ізгі ниетін таныт­ты.

Кешке қызу дайындықты тү­лектердің жанарынан аңғардық. Арнайы мерекелік дастархан ба­сына жиналып, шараны жас тү­лектердің қатысуымен болған вальс биімен ашқан соң, облыс әкімі Ералы Тоғжанов үздік бітірген жастар мен ұстаздарға жылы лебізін білдірді:

«Бұл жерге жиылған түлек­ тердің бәрі – облысымыздың үз­діктері. Былтырғы жылмен са­лыстырғанда үлкен жетістіктерді бағындырған биылғы мектеп бі­тірушілерге, білімі мен тәлімін қоса берген ұзтаздарға өз атым­нан үлкен алғыс айтамын! Елба­сымыз айтқандай халқымыздың келешек бақытты ғұмыр кешуі сіздердің қолдарыңызда. Жалпы Маңғыстау облысы білім сала­сынан соңғы жылдарда алға іл­герілеп келеді. Бұл сендердің үлкен өмірге жасаған алғашқы қадамдарың, сол қадамдарың нық болсын. Шетелдегі беделді оқу орындарына да түсіп жатқан об­лыс жастары жетерлік.

Цифрлық оқу саласы қа зіргі кезеңде біздің ел үшін өте қажет маман­дықтардың легі, алайда ақсап жатқан жерлеріміз де жетерлік. Орны толмағанды толтыру – сен­дерге жүктелген міндет. Тіліміз, дініміз, діліміз – ұлтымызды аман сақтаудағы басты құндылығымыз. Келешекте дүниежүзілік арена­ да қазақтың туын желбірететін де сендер! Тәуелсіздік алған жылдар­дан бері еліміздің біраз биіктерге көтерілгенін байқап та жүрміз, сол биікте тұрақтап қалмай, одан әрі дөңгелетіп алып жүретін де сен­дер. Біздің байлығымыз тек мұнай емес, мұнай өндірісті дамыту үшін қажет шикізат қана, нағыз байлық – халқымыздың саулығы, жастардың білімі, ғалымның ілімі. Тағы бір ескеретін, жастардың жадында жүрер дүние – шағын және орта бизнесті жүйелі түрде қолға алу. Елдің өзін­-өзі қамтамасыз етер тұсы сол. Сөзімді қорытындылай келе, басты ниетім түлектердің жолы ақ болып, мақсаттары орындала бергей!» – деді.

Мұнымен қоса облыс әкімі өн­дірістік салаға көп жастардың бара бермейтінін, қайта келешек жарқын күндердің аталған салада екенін ұғып, түлектердің ақпарат­қа қанығуы керегін айтты. Мек­теп бітірушілерді қанаттандыру мақсатында облыс бас­шысы «Алтын белгі» ие­герлеріне 60 мың, «Үздік аттестат» еншілеген жас­тарға 40 мың теңгеден сыйақы таратып, арнайы алғыс хаттар табыс етті. Кеш соңына дейін түрлі лебіздер айтылып, ән мен күйге еліт­кен концерттік бағдарлама да назардан тыс қалмады.

Ел ертеңін жандандыратын – жас буын. «Тәрбиесіз беріл­ген білім, адамзаттың қас жауы» деп ғұлама Әбу Насыр әл-­Фараби баба­мыз айтқандай, жас түлектеріміздің тәрбиелі де ибалы, білімге құмар, ғылымға ынтызар болып қазақты нұрлы келешекке бастарына сенім кәміл. Жолың оңынан болсын, жас түлек!

Мадияр ТӨЛЕУОВ Суреттерді түсірген Серік МАЙЕМЕРОВ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.