Айтта арақ-шарап сатпайтын дүкендер марапатталды

«Ақкетік» мешітінің имамдарының ұйымдастыруымен қасиетті рамазан айында арақ-шарап сатпау жайлы үндеу жариялағанын Ақкетік тұрғындары жақсы біледі.

Күні кеше оразадан соң аталып өткен 3 күн ораза айт мерекесі қар­саңында сол үн­деуге келісім біл­дірген жəне сол уəделерінде тұра білген дүкен иелеріне «Ақкетік» мешіті атынан имамдар алғыс білдіріп, сыйлық­тар үлестіріпті. «Рахат», «Ақмарал», «Бота», «Ақбота», «Аиша», «Əсем­ай», «Айя», «Сəн-­сал­танат», «Жас-­жет», «Іңкəр» сынды аудан орталығындағы дүкен иелеріне білдірілген Алғыс хат пен имандылықты насихаттайтын Қазақстан Республикасы Діни басқармасы рұқсатымен басылған арнайы кітаптар сыйға тартылды. Бұл акцияның ораза кезінде бастау алып, айт мерекесінде де жалғасын табуы құптарлық іс. Кейбір кəсіпкерлер бұны саудаларына қысастық деп те түсінуі мүмкін. Түсінген жанға пайданы адал ақшадан табуға үндейтін бұл акцияны алдағы уақытта ауда­нымыздың сауда орындарының иелері қол­дап, жастарды, қоғамды арап­-шарапсыз тəр­биеге бет бұруға себепкер болып жатса, құба-­құп емес пе?! Сіз қалай ойлайсыз, оқыр­ман?!

Өз тілшімізден

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.