Қайнаған қала тірлігі: жетістіктер жетерлік, кемшіліктер де жоқ емес

©

Ақтау қаласы қоғамдық кеңесінің жаңа жылдағы қалалық мәслихат сессиясымен бірлікте өткізілген он алтыншы отырысында 20-дан астам мәселе қаралды. Отырысқа Ақтау қаласының әкімі, қала прокуроры, облыстық мәслихат депутаттары қатысты.

Қылмыстар саны төмендеген...

2017 жылдың ІІ жар­тыжылдығында ІІБ жергілікті полиция қызметі бөліністерімен қауіпсіздікті қамтамасыз ету және құқықтық тәртіпті нығайту ба­ғытында ұйымдыстырылған алдын алу іс­-шараларының нәтижесінде Ақтау қаласы бойынша жалпы тіркелген қылмыстар саны өткен жылдың осы мерзімімен салыстырғанда 12,5%­-ға төмендеді, – деп бастаған Ақтау қалалық ІІБ ЖПҚ бастығының орынбасары А.Абдуатов онша ауыр емес  қылмыстар  –  25,3%­-ға (526 – 393), ауырлығы орташа қылмыстар – 16,1%­-ға, соның ішін­де ұрлық – 11,3%­-ға, тонау – 10%-­ға, жасөспірімдер арасында жасалған қылмыс саны 26,7%­-ға төмендегенін айтты. Алайда ауыр қылмыс саны 6,6%­ға өскен.

«Нөлдік төзімділік қағидаты» бойынша 17 мың 753 тұлға (2016 – 16861) әкімшілік жауапқа тартылып­ты. «Қоғамдық тәртіпті қамтамасыз етуде азаматтардың қатысуы тура­лы» Заңы негізінде, қала бойын­ша 111 адамнан құрылған 20 қоғамдық ұйым жергілікті поли­ция қызметкерлерімен бірлесіп қоғамдық тәртіпті қамтамасыз етуге атсалысуда. 2017 жылдың 12 айын­да сондай 33 азаматтың қатысуымен 10 қылмыс ашылып, 187 әкімшілік құқық бұзушылық анықталған, оларға сыйақы ретінде 748 мың 770 теңге берілген. Қаңғыбастықпен ай­налысатын және көшеде беймезгіл қараусыз жүретін 240 жасөспірім анықталған. Есепті кезеңде мектеп қабырғаларында жасөспірімдермен қылмыс жасау оқиғаларына жол берілмеген. Жол­-патрулдік поли­ция бөліністерімен жол қауіпсізді­гін қамтамасыз етуге бағытталған іс-­шаралар нәтижесінде Ақтау қаласы бо­йынша жол­-көлік оқиғаларының саны 8,2%-­ға төмендеп, 39607 құқық бұзушылық дерегі бойынша 254 млн. 502 мың 440 теңге айыппұл салынған,  оның 175 млн. 440 мың 722 теңгесі (68,93%) мемлекет пай­дасына өндірілді. Қалта ұрлығы көбейіп тұрғаны және белгілі 10 ұры бар екені айтылды.

Сондай-­ақ есеп беруші биыл Ақтау қаласы бойынша 600 камера орнатылатынын жеткізді. Есепті кезеңде камералардың көмегімен 11 қылмыс ашылып, 683 әкімшілік құқық бұзушылық тіркелген. Де­путаттар мен қоғамдық кеңес мү­шелері тарапынан баяндамашыға көптеген сауалдар қойылды. Атап айтқанда, айыппұлдарды өндіру көрсеткішінің төмендігі, жаңа учас­келік бекеттер ашу, автотұрақтар­ды реттеу, букмекерлік кеңселердің қызметін бақылау мәселелеріне қатысты жағдайлар қозғалды.

А.Абдуатовтың айтуынша, бү­гінгі таңда қалада 53 учаскелік инспектор бар және олардың әрбірінің талап бойынша 2400 адам­ды қамтуға тиіс жүктемесі бар. Іс жүзінде жұмыс ауқымы шамадан көп. Жаңа 35­-шағынауданда тірек бекеті ашылып, 32 Б шағынаудан ашу жоспарланғанымен, жаңа ау­дандарды толық қамтуға поли­цияның күші жетпей отырғаны белгілі болды. Соған байланысты кеңес төрағасы баяндамашыға бұл мәселені реттеу бойынша ұсыныс беру туралы ескертті. Сондай­-ақ 28 бен 29­-ш/а аралығындағы Жаңаөзен, Жетібайға такси жүретін орындағы автотұрақтың жол қозғалысына ке­дергі келтіретіндігі қозғалып, оны басқа жерге көшіру жайы әңгіме болды.

Ақтауда 7601 бала туылған

Ақтау қалалық азаматтық хал актілерін тіркеу мекемесінің бас­шысы Айша Елемесованың есебі­нен алынған мәліметтер бойынша өткен жылы шаһар тұрғындарына барлығы 15908 қызмет көрсетілген. Ақтауда 7601 бала дүниеге келген. Өткен жылы 2431 неке құру тіркел­се, 758 некені бұзу туралы құжат рәсімделген. Қазірде «АХАЖ» ақ­параттық жүйесін енгізу бойынша «Е­мұрағат» жасақталуда. Оған 1959 жылдан бері сақтаулы тұрған қорды электронды форматқа көшіру көзделіп отыр.

Қала әкімінің есебінен мәліметтер

Өткен жылдың қорытын­дысы бойынша қаланың өнеркәсіп кәсіпорындары 182 млрд. 850 млн. теңгенің өнімін өндірген (нақты көлем индексі – 101,9%), өндірістік мекеме­лерден бюджетке түсім алдыңғы жылдағыдан 4,9%-­ға артқан. Өткен жылмен салыстырғанда негіз­гі капиталға инвестиция көлемі 86,7 млрд. теңгені құрап, 21,2%­ға, құрылыс жұмыстарының көлемі 21,7%­ға кеміген.

Былтырғы жылы экономиканың түрлі салаларында 11452 жаңа жұмыс орны құрылды, бұл 2016 жылмен салыстырғанда 20%-­ға жоғары. Жеті жанұя (26 адам) Солтүстік Қазақстан облысына көшірілді.

Есепті кезеңде қала халқының саны 185,9 мың адам, оның ішінде белсенді халық – 115,6 мың адам, яғни халықтың 64,7%­-ын құрайды.

«Жаңа серпін» бағдарламасы бо­йынша облысымыздың басқа қа­ла, аудандарынан келген жас ма­мандардың баспана мәселесін шешу үшін жер қойнауын пайда­ланушылар есебінен 31 Б шағын­ ауданда 110 орындық, «Шығыс­-1» шағынауданында 500 орындық жатақханалар пайдалануға беріл­ген. «Нұрлы жер» бағдарламасымен кезектегі тұлғаларды тұрғын үймен қамту бойынша «Қазақстанның ипотекалық компаниясының» есебі­нен 192 адамға үй берілген. Тұрғын үй кезегінде бүгінгі таңда 9329 адам тұр. Биыл «Нұрлы жер» мемлекеттік бағдарламасымен 2740 пәтер беріл­мекші.

Апатты үйлерді жою бо­йынша қала әкімдігінің 2014–2019 жылдарға арналған бағдарламасына сәйкес 144 пәтерлі 9 үй бұзылып, орнына 325 пәтерлік 3 үй салынды. Қалған апаттық 96 пәтерлік 6 үй биыл бұзылып, ор­нына 3 үйді 2019 жылдың бірінші жартыжылдығында аяқтау жоспар­лануда.

Инженерлік желілер құрылысына республикалық бюджеттен  жал­пы құны 27 млрд. 539 млн. теңгені құрайтын 15 жоба министрліктер­ге ұсынылды. Жалпы ұзындығы 464,4 шақырымды құрайтын жылу желілерінің 74%-­ы, кәріз желіле­рінің 42%-­ы, ауызсу және тех­никалық су құбырларының 76%­-ы жөндеуді талап етеді.

Ақтау қаласының электр энергетикалық жүйесін дамытуға жергілікті бюд­жеттен 304,8 млн. теңге бөлінсе, сонымен қатар құны 1,6 млрд. теңге болатын «Хазар» НТҚ стан­сасының құрылыс жұмыстары басталған. Орталық шағынау­дандарды электр энергиясымен сенімді үздіксіз қамтамасыз ету үшін жаңадан «Ботаникалық бақ» НТҚ құрылысын салу бойынша жо­басы жасақталуда.

Сан салалы шаруа бар

Қалада орналасқан 25 мектептегі балалар саны – 34230. Ал мектептердің бала оқыту күші 28187 балаға арналған, оның ішінде Рауаннан Өмірзақ село­сына, Мұнайлы ауданынан Ақтау қаласына қатынап оқитындар саны 1210. Ақтау қаласының 16, 17, 31, 31А, 31Б, 32В, З5, «Шығыс-­2», «Шығыс-­3» шағынаудандарында балабақша, мектеп орындары болмауына байла­нысты 2100 орынға арналған 3 мек­теп құрылысына жоба әзірленуде. 34­-шағынауданда 900 орындық мек­теп құрылысының ЖСҚ әзірленген, сараптама алдағы сәуір айында аяқталуы тиіс.

Ақтау қаласын абаттандыру, көше жа­рығын орнату, көгалдандыру, сани­тарлық тазалық жұмыстарына қомақты қаржы бөлініп, біраз жұмыстар  атқарылған.  Былтыр 250 млн. теңгеге 33 лифт орна­тылған. Игерілмеген жер учаскеле­рін анықтау, мемлекет меншігіне қайтару және қайта айналымға енгізу бағытында 2016-­2017 ж.ж. жұмыс тобы анықтаған 396 жер учаскесінің алдыңғы жылы 13 және былтыр 7 жер учаскесі қайтарылып, 138 жер телімі иелеріне ескерту берілген. Өткен жылы автокөлік жолдары бойынша 2 млрд. 287 млн. теңге қаржы игерілген. Ақтау қаласы аумағында жалпы ұзындығы 176 шақырымды құрайтын 6 марш­рутпен 68 автобус халыққа қызмет көрсетуде. Тағы бір бағыт бойынша маршрут (№12) ашу жұмыстары жүргізілуде. Барлық маршрут авто­ бустарында GPS жүйесі қонды­рылған. Енді ұялы телефонға ор­натылған қосымшадағы Infobus бағдарламасы арқылы қандай авто­бус қай бағытта және қанша минут­та аялдамаға келетіндігін анықтауға болады.

«Бизнестің жол картасы – 2020» бағдарламасы аясында 2017 жылы қала бойынша өңірлік үйлестіру кеңесіне 55 жоба ұсынылып, нә­тижесінде жалпы құны 6 млрд. 700 млн. теңгені құрайтын 41 жоба ке­лісіліп, 700-­ден астам жаңа жұмыс орны ашылған. Сондай-­ақ үдемелі индустриалды­-инновациялық даму бағдарламасы аясында жалпы құны 1,7 млрд. теңге болатын 4 жоба іске асырылып, 171 жұмыс орны ашылды. Биылғы жылы жалпы құны 41,9 млрд. теңгені құрайтын және 126 жаңа жұмыс орнымен қамта­масыз ететін 3 жобаны енгізу жос­парланып отыр. «Жылы жағажай» (МАЭК-­тен «Алау» балалар лаге­рінің аралығына  дейінгі  аралық, 25 шм құрайды) жағалауының ту­ристік аймағын дамыту үшін тиісті егжей­-тегжейлі жоспар әзірленді...

Ақтау қаласы әкімдігінің www.аktau.gov.kz ресми интернет ресур­сы AWARD.KZ 2017 ұлттық интер­нет премиясында «өзін­-өзі басқару мен билік органдары» номинация­сы бойынша республикадағы мем­лекеттік органдардың арасында 1­-орынды иеленгенін де айта ке­телік.

Қаладағы болып жатқан әртүрлі жағдайларға қатысты шұғыл әрекет ету мақсатында WhatsApp желісін­де «Обстановка» чаты жұмыс жа­сайды. Бұл чатқа қала әкімінің орынбасарлары, мемлекеттік меке­ме мен коммуналдық кәсіпорындар басшылары енгізілген.

2018 жылы халық пен билік арасындағы  өзара  әрекеттестік пен кері байланысты нығайтуға мүмкіндік беретін әкімдіктің ре­сми сайтымен интеграцияланған SMART AKTAU мобильдік қо­сымшасын жасақтау жоспарлануда.

Қарызға батқан «қала жолдарын» қайтеді?..

Ақтау қаласының тазалығын және абаттандыру жұмыстарын атқарып отырған «Қала жолдары» мекемесі өткен жылдар ішінде алым­салығы бар жалпы 417 млн. теңге қарызды (өзге меке­мелерге бережағы – 261 млн. теңге) болып, шаруасы тығырыққа тіреліп тұр. Осы өткір мәселеге қатысты қала әкімі облыстық қаржылық бақылау жасайтын ревизия ко­миссиясына мекеменің қаржы­ шаруашылық жағдайын тексеру жүргізуге өтінім бергенін айтты. Оның кейінгі тағдыры сол тексеріс нәтижесіне қарай анықталмақшы. Жаңа жылға қала әкімдігі аталмыш мекемемен қызмет көрсету бойын­ша 2,5 млрд. теңгеге келісімшартқа отырған. Былтырғы жылы ақылы еңбек демалыстарын ала алмаған сол мекеменің 60 жұмысшысы қала әкіміне арыз-­шағымын ай­тып келгені де айтылды. Алайда олардың мәселесі нақты қалай шешілері әзірге белгісіз күйде қалып отыр. Қайткен күнде де қаланың көшелерін сыпырып, қо­қыстан тазарту, абаттандыру жұ­мыстары жүргізілуі керек. Биыл­ғы келісімшарт бойынша олардың есебіне ақша аударылса, оның қомақты бөлігі бұрынғы қарызы есебінде ұсталмақшы. Сонымен мәселе әзірге қырынан тұр!.. Айт­ қандай, Ақтау қаласын электр энергиясы­ мен жабдықтаушы «АУЭС» меке­месінің қаржылық-­шаруашылық жағдайы да мәз болмай тұрғаны белгілі болды.

Мұрат ЖЕТЕКБАЙ

Көрнекі сурет сайттың архивінен

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.