«Волна» базарынан өрт шықты

Ақтауда 5 шағынауданда орналасқан «Волна» базарынан өрт шықты, - деп хабарлайды mangystaumedia.kz сайты.

Маңғыстау облысы Төтенше жағдайлар департаменті баспасөз қызметінің айтуынша, өрт туралы ақпарат сағат 02:58-де түскен.

«Базардың жалпы аумағы - 1300 шаршы метр. Соның 400 шаршы метрі өртке оранды. Яғни халық тұтынатын тауарлар сататын 21 сауда орнынан өрт шыққан. Сонымен қатар жеміс-жидек пен көкөніс сататын сауда орындарына залал келген», - дейді баспасөз қызметі.

Мамандар сағат 04:19 шамасында өрттің таралуын тоқтатса, 04:45-те толық сөндірді. ТЖД хабарлауынша, қаза болғандар мен зардап шеккендер жоқ. Өрттің себебі алдағы уақытта белгілі болады. Өртті тоқтатуға 67 маман мен 24 техника жұмылдырылған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.