Ақтау мен Мұнайлыға тұшытылған ауыз су құрылғысы орнатылды

Ақтау қаласы және Мұнайлы ауданында бірнеше жерге тұшытылған таза ауыз су құрылғысы орнатылды, - деп хабарлайды mangystaumedia.kz сайты.

Негізгі мақсат – облыс тұрғындарын тұшытылған таза ауыз сумен қамтамасыз ету. Аталған жобаны «Каспий» ӘКК АҚ «Caspiana» ЖШС-мен бірге жасақтаған.

Жаңа ауыз су қондырғылары Мұнайлы ауданы бойынша Басқұдық (Басқұдық сауда үйі), Қаламқас (Рахат супермаркеті), Маңғышлақ (Рахат супермаркеті), Қызылтөбе (Қайнар сауда үй), Ақшұқыр (Малика супермаркеті), Сайын Шапағат ( Науалы супермаркеті) орнатылды.

Ал ақтаулықтар тұшытылған ауыз суды 9 ш/а - 29 үй, 14 ш/а -16 үй, 17 ш/а -29 үй, 19 ш/а -3 үй, 28 а ш/а әмбебап базары және 29 ш/а -24 үй мекен-жайлары бойынша ала алады.

​Әр құрылғыда 3 текше метр су қоры сақталады. Құрылғылар жоба аясында сатып алынған жаңа су тасу көліктерімен үздіксіз толтырылады. Орта есеппен әр құрылғыға тәулігіне 3 текше метр суды «Каспий су тұшыту зауыты» ЖШС жеткізеді.

​Алдағы уақытта жоба аясында құрылғылардың санын арттыру жоспарланып отыр.

Жұлдызай ҚАЛИЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.