Омар Жәлел Мұнайлы ауданы тұрғындарымен кездесті

Ф.Оңғарсынова атындағы аудандық мәдениет үйінде аудан әкімінің орынбасары Сара Ноғаеваның төрағалығымен филология ғылымдарының докторы, абайтанушы Омар Жәлелұлы, «Сенімен болашақ» РҚБ құрылтайшысы, қоғам қайраткері, меценат Нұркен Жарылқапұлы, «Сенімен болашақ» РҚБ төрағасы Жансая Исмагулова «Ауыл – алаш айнасы» тақырыбында аудан тұрғындарымен кездесу өткізді. Бұл рухани байлыққа негізделген, отбасы құндылықтарын, бала тәрбиесін, адамгершілік қасиеттерді, бір сөзбен айтқанда қоғамдағы күйіп тұрған мәселелердің алдын алу жолдарын қамтыған әдемі кездесу болды.

Омар Жәлелұлы қазіргі таңдағы көптеген ерлі-зайыптылардың ақылға емес, сезімге ерік беруінен үйленуге асығыс шешім қабылдаулары салдарынан екіге бөлініп ажырасулары, бұрынғы ата-бабаларымыздың атқа қонып ұрпағына жар таңдаудағы алатын рөлін үлкен маңыздылыққа теңеді. Сондай-ақ ұлы ақын Абай Құнанбаевтің махаббат, қанағат пен ынсап, білім, ғылым туралы орамды ойларынан мысалдар келтіре отырып, ата-ана мен бала, ер мен әйел арасындағы қарым-қатынасты реттеу, өзгені емес әуелі өзіңді түзеу сияқты ғибратты ойлар айтылды.

Кеш соңында оқытушылар мен түрлі сала мамандары өздерінің ой-пікірлерімен бөлісіп, кездесу қонақтарына алғыс, лебіздерін білдірді.

Дина Өтепбергенова

Суреттер Т.Құсайын

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.