Мектеп бітірушілерге үздік оқығаны үшін берілетін «Алтын белгі» төсбелгісін тәуелсіздік жылдары Маңғыстау облысындағы Түпқараған ауданың 70-тен астам түлегі иеленген.
Түпқараған ауданы әкімдігінің баспасөз қызметінің мәліметінше, бүгінгі таңда Түпқараған ауданы мектептерін бітірген 71 оқу озаты «Алтын белгі» төсбелгісіне, 6 түлек «Күміс медаль» төсбелгісіне, 79 түлек «Үздік аттестатқа» қол жеткізген. Аудан мектептерінен тұңғыш рет «Алтын белгіні» иеленген М. Әбдіхалықов атындағы мектеп-гимназияның 1998 жылғы түлегі Қазиева Әйгерім Маңғыстау облысы бойынша алғашқы «Алтын белгі» иегері.
- Маршал Әбдіхалықов атындағы мектеп-гимназиясы – ауданымыздың маңдайалды мектептерінің бірі. Аталған мектептен 23 «Алтын белгі», 4 «Күміс медаль», 14 «Үздік аттестат» иегері шықты. Бұған қоса, 24 «Алтын белгі» иегерін шығарған Ақшұқыр мектеп-лицейін де айтып өткеніміз жөн. Жалпы алғанда, аудан мектептерінің барлығы да бәсекеге қабілетті. Олардың білім-ғылым саласындағы әлеуетінің күн санап артып келе жатқандығына көз жеткізіп отырмыз,- дейді Түпқараған ауданы бойынша білім бөлімінің басшысы Айбаршын Утесбаева.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
