© Суретті түсірген Т. Құсайын
Түпқараған ауданында жыл басынан бері коронавирус инфекциясын 100-ден астам адам жұқтырған. Оның 90 пайызға жуығы - вакцина салдырмағандар. Бұл туралы Түпқараған аудандық орталық ауруханасының бас дәрігері Гүлшат Шалабаева мәлім етті.
Оның айтуынша, вакцина иммунитеті әлсіз науқастарда да КВИ ауруының ықтималдығын азайтады. Ал егер адам ауыра қалған жағдайда оның салдарын азайтуға көмектеседі. Әдетте вакцина алған адамдар КВИ-ды жеңіл түрде алып жүреді және тез қалпына келеді.
-Медицинаға сеніңіздер! Біз күн сайын вакцинацияны елемейтін адамдардың немқұрайлығының салдарын көріп жүрміз. Коронавирус инфекциясынан көз жұмып жатқандар - вакцина алмағандар. Бүгін елімізде КВИ жұқтырғандар саны бойынша антирекорд болды. Қазіргі кезде бұл аурумен күресудің бірден-бір жолы, ол - вакцинация. Сол себепті барлығын вакцина алуға шақырамын, - деді Г. Шалабаева.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
