Әлеуметтік желілерде Құрық ауылында жаға жыртысқан жастар бейнежазбасы кеңінен таралып жатыр, деп хабарлайды mangystaumedia.kz.
Тұрғындар бірнеше күннен бері өзара қырық пышақ боп қырқысқан жастар төбелесіне тосқауыл болмай тұрғандығын айтып, шағымданды.
"Құрық ауылында бірнеше күннен бері жалғасып жатқан бұл төбелестерді кім тоқтата алады? Ауыл полициясы ешқандай шара қолданбады. Күнде Автобаза және АСЛМ шағын аудандарының жастары төбелеседі. Ата-ана ретінде біз не істей аламыз? Балалар көшеге шығуға қорқып қалды. Ауыл полициясы рейд те ұйымдастырған жоқ", - деп жазады Құрық ауылының тұрғындары әлеуметтік желілерде.
Сайт редакциясы түсініктеме алу үшін Маңғыстау облысының полиция департаментіне жүгінді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
